Толькі лянівы не паглядзеў шматлікія відэазапісы заўзятарскіх сьпеваў падчас учорашняга матчу Ўкраіна — Беларусь і толькі лянівы не пракамэнтаваў гэтага ў сацыяльных сетках.
Радыё Свабода ў час матчу вяла твітэр-трансьляцыю, сёння прэзэнтуем рэакцыі на ўчорашні футбол у сацыяльных сетках.
Гульня, у якой важнейшы быў ня лік, а эмоцыі заўзятараў і ўсё, што адбывалася ў фан-сэктары. І акурат заўзятары сталіся сапраўднымі героямі вечара.
— Как там футбол? - Слава Україні! Жыве Беларусь! - Счет то хоть какой? - Путин — х*йло! - Ясно всё
— Савик Шустер (@ukr_shuster) October 9, 2014
Гэтак пракамэнтаваў украінскі тэлевядоўца Савік Шустэр тое, што адбывалася ўчора на стадыёне ў Барысаве. Падобныя былі і рэакцыі беларусаў.
LoadingКалі яшчэ такое будзе? Пераклічка на стадыёне — беларускія заўзятары заводзяць «Слава Украіне», украінскія — «Жыве Беларусь». А ўсе разам крычаць «Пуцін хуйло», «Разам і назаўжды».
І хоць у матчы Беларусь — Украіна перамагла наша паўднёвая суседка зь лікам 0:2, атрымаўся сапраўдны матч яднаньня паміж абедзьвюма краінамі. Аўтаголам салідарнасьці назваў палітоляг Алесь Лагвінец першы гол, які абаронца беларусаў Аляксандар Мартыновіч забіў у сваю ж браму.
Гостеприимство 80 левела. #БеларусьУкраина
— Роман Счастный (@roman_schastny) October 9, 2014
Незалежна ад фактычнага выніку гульні, прайграла ў матчы Расея, напісаў у сваім Фэйсбуку журналіст «Эўрарадыё» Алесь Пілецкі.
Нягледзячы на тое, што шмат каму з украінскіх фанатаў не дазволілі ўехаць у Беларусь, на трыбунах іх не бракавала.
Гэтаксама ж як і беларусаў, якія да матча падрыхтаваліся.
Алесь Баразенка паведамляў, што яго затрымалі на тэрыторыі стадыёна, бо незалежны журналіст зьняў, як аднаго з заўзятараў не пусьцілі на матч.
Аднак урэшце Баразенку адпусьцілі. Пасьля матча разышлася вестка, што затрымалі каля сотні ўкраінскіх фанатаў і некалькі дзясяткаў беларусаў. Але насамрэч затрыманых значна менш.
У Барысаўскім раённым судзе прайшлі працэсы над футбольнымі заўзятарамі.
Учорашні матч стаўся ня толькі спартоваю падзеяй. А яшчэ і нагодай, каб выказаць сваю думку і пазыцыю.
Трибуны Борисов-Арены сегодня — это Беларусь из какой-то параллельной реальности, в которой Лукашенко так и остался директором того совхоза.
— St. Martin (@st_martin_by) October 9, 2014
