У Гомелі затрымалі лідэра кампаніі «Хопіць піць — трэба жыць!»

Яго абвінавачваюць у арганізацыі несанкцыянаванага мерапрыемства — паводле артыкула 23.34 Кодэксу аб адміністрацыйных правапарушэньнях.

Уранку 11 лістапада Зьміцер выйшаў на пляцоўку побач з аблвыканкамам з плякатам: «Спыніце продаж алькаголю каля школаў».

Праз гадзіну да пікетоўца пад’ехала патрульная машына. Маёр міліцыі Ўладзімер Недабой даставіў Зьмітра Карашкова ў Цэнтральны РАУС, каб скласьці пратакол аб парушэньні парадку арганізацыі ці правядзеньня масавага мерапрыемства ці пікетаваньня.