нядзеля, 14 лютага 2016, Менск 02:36

    УСЕ НАВІНЫ / Палітыка

    Шварцэнбэрг — Сурвіле: Візы тармозіць не ЭЗ, а Менск

    У Дзень Волі міністар замежных спраў Чэскай Рэспубліка Карэл Шварцэнбэрг сустрэўся са старшынёй Рады БНР Івонкай Сурвілай.

    У часе гутаркі Івонкі Сурвілы з Карлам Шварцэнбэргам
    У часе гутаркі Івонкі Сурвілы з Карлам Шварцэнбэргам
    Адразу пасьля сустрэчы Івонка Сурвіла дала інтэрвію Ганне Соўсь у жывым  эфіры Радыё Свабода.




    Соўсь: Івонка, якія галоўны вынікі перамоваў з кіраўніком чэскага МЗС, экс-кандыдатам на прэзыдэнта Карлам Шварцэнбэргам?

    Сурвіла: Мы пачалі ад пытаньня Незалежнасьці Беларусі, узгадалі дасягненьне нашае леташняе — «Віленскі Мэмарандум» за Незалежнасьць, а таксама заўважылі, да якой ступені апазыцыя з’ядналася для падпісаньня гэтага вельмі важнага для нас дакумэнту. Закранулі тэму Расеі і яе ўплыву на Беларусь, было прыемна адчуць,  што спадар Шварцэнбэрг вельмі добра гэтую праблему ўсьведамляе. Гаварылі мы і пра Шэнгенскія візы для грамадзянаў Беларусі. Спадар Шварцэнбэрг сказаў, штоў пытаньні візаў фактычна не Эўропа супраціўляецца зьменьшаньню цаны і лібэралізацыі візавага рэжыму, а — Беларусь. І сказаў, што вельмі цяжка казаць пра супольную акцыю ў гэтай галіне, таму што некаторыя краіны хочуць рабіць выключна паводле ўзаемных дамоваў, і калі Эўропа да гэтага гатовая — Беларусь (маецца на ўвазе цяперашняе кіраўніцтва) — супраціўляецца. І ў такой сытуацыі Эўропа сама па сабе вельмі мала можа зрабіць. Але ён гэта бярэ пад увагу і ён пра гэта будзе гаварыць з Эўропай.
    Івонка Сурвіла і Карэл Шварцэнбэрг
    Івонка Сурвіла і Карэл Шварцэнбэрг


    Соусь: А што яшчэ дзеля падтрымкі дэмакратычных сіл у Беларусі можна зрабіць, пра што гаварыў спадар Шварцэнбэрг?

    Сурвіла: Мы гаварылі пра палітычных вязьняў, уздымалі пытаньне акцыі супраць хакейнага чэмпіянату ў Менску ў 2014 годзе. Таксама гаварылі пра фундацыю «Эразмус», Шварцэнбэрг казаў, што ён ужо доўга гэтым займаецца, што ён падтрымоўваў і будзе падтрымоўваць — з намерам дазволіць большай колькасьці студэнтаў беларускіх атрымліваць стыпэндыі ў Эўропе. Ну і апошні пункт, які мы закранулі — гэта справа наданьня беларусам у Чэхіі статусу нацыянальнай меньшасьці, пра што ён таксама дакладна ведаў і гэтую прапанову ён таксама падтрымлівае.
    Сяргей Навумчык, Івонка Сурвіла і Карэл Шварцэнбэрг
    Сяргей Навумчык, Івонка Сурвіла і Карэл Шварцэнбэрг

    Тэгі: палітвязьні,бнр,візы,сурвіла,шварцэнбэрг,Рада БНР


    Ганна Соўсь

    sousa+rferl.org

    Ганна Соўсь нарадзілася ў 1971 годзе ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Сябра БАЖ.

    Блог Ганны Соўсь
    Гэтая дыскусія закрытая.
    Сартаваць камэнтары
    Камэнтары
         
    Імя:: Ананім
    25.03.2013 22:42
    Бла-бла-бла. Калi б Эуропа захацела, дауно ужо бы пытанне з вiзамi вырашыла. А улады заусёды будуць працiвiцца.
    Адказаць

    Імя:: Паўлюк Горад:: Койданава
    26.03.2013 14:44
    О, як атрымліваецца! Яны ўжо даўно, аказваецца, хочуць адмяніць візы. Але ж Лукашэнка не дазваляе прымаць самастойныя рашэньні!
    Во дажыліся да чаго! Сапраўды перажываем нейкі дзіўны і ўнікальны час. Такога яшчэ ў гісторыі не было.

    Імя:: Константин Горад:: БРЕСТ
    25.03.2013 23:13
    Получается , что рука Лукашенко крепко держит за горло Евросоюз и в частности в лице министра иностранных дел Чехию . С его слов , они рады снижению цены визы , да вот только Лукашенко добро не дает Ну прямо неразрешимая проблема , заставляют больше брать денег а они бедные никак не могут меньше . Не велено .

    Імя:: cioma
    26.03.2013 13:00
    Сапраўды, "ў такой сытуацыі Эўропа сама па сабе вельмі мала можа зрабіць", бо гэта ж так цяжка аднабакова адмяніць візы для беларусаў.

    Прапаную ЭЗ наступнае вырашэньне праблемы: усе грамадзяне Беларусі з пашпартам, не маладзейшым за 10 год, могуць вольна ездзіць у краіны ЭЗ.
    Для кампэнсацыі выдаткаў прапаную перанакіраваць на гэта грошы, што даюцца на розныя "сэмінары", "маніторынгі" ігд.
    Адказаць

    Імя:: Тэрэспаль
    27.03.2013 15:59
    Немагчыма, бо ёсць спіс асоб пад візавай забаронай на ўезд у ЭЗ. Спачатку змяніць рэжым, каб можна было скасаваць санкцыі, а гэта створыць магчымай скасаванне віз. Пакуль рэжым беларусамі не зменены, адзінае, што магчыма - зрабіць візы дармовымі.

    Імя:: Міхал Горад:: Тутэйшы
    27.03.2013 10:41
    Адзіная краіна ў Эўропе, а магчыма і ў сьвеце, якая выразна разумее Беларусь як нацыянальную дзяржаву, заўжды цікавіцца яе праблематыкай і ўсяляк (на колькі магчыма) спрыяе нашым праблемам. І гэта гістарчна, з даўніх часоў. Дзякуй Чэхія
    АПОШНІЯ НАВІНЫ
    External Widget cannot be rendered.

    іншыя навіны

    ТОП-ЛІСТ