Лінкі ўнівэрсальнага доступу

Ярмошына: Магчымая дата выбараў — 23 верасьня


На выбарах у Палату прадстаўнікоў ня будуць усталёўваць вэб-камэры. Ці запрашаць назіральнікаў ад БДІПЧ АБСЭ, вырашыць Лукашэнка.

Указ пра прызначэньне выбараў у Палату прадстаўнікоў можа зьявіцца ў чэрвені, паведаміла журналістам у Палаце прадстаўнікоў старшыня ЦВК Лідзія Ярмошына.

Яна дадала, што самай верагоднай зьяўляецца дата — 23 верасьня.

«Свабода» пацікавілася, ці будуць на выбары запрошаныя назіральнікі ад БДІПЧ АБСЭ?

Ярмошына адказала: «Гэта вельмі складанае пытаньне, улічваючы іх ранейшыя паводзіны. Таму рашэньне будзе прымаць кіраўнік дзяржавы.»

Адказваючы на пытаньне «Свабоды», што можна пераняць з досьведу расейскіх выбараў, старшыня ЦВК Лідзія Ярмошыня адказала: «Нейкія невялічкія зьмены могуць быць. Але што тычыцца прынцыповых — такія як ужываньне вэб-камэраў — такога ня будзе.»

«ЦВК зьвярнулася да спэцыялістаў Белтэлекаму з просьбай падлічыць, колькі будзе каштаваць набыцьцё і ўсталёўка вэб-камэраў. Яны адказалі, што толькі набыцьцё тэхнікі без падключэньня будзе каштаваць 4,5 млн. даляраў — а гэта палова ўсяго бюджэту кампаніі. Таму мы ня можам пайсьці на такі крок», — заявіла Ярмошына.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG