Як паведамляе сайт www.europarl.europa.eu, у чацьвер, 12 студзеня ў Страсбуры ў рамках падрыхтоўкі да першай сёлетняй пленарнай сэсіі Эўрапарлямэнту на парадку дня паседжаньня парлямэнцкага Камітэту па замежных справах будуць стаяць стасункі ЭЗ з Турэччынай, Сэрбіяй і Беларусьсю.
Прадстаўнікі Камітэту па замежных справах заслухаюць даклад дэлегацыі па сувязях зь Беларусьсю і абмяркуюць падыходы ЭЗ у дачыненьні да гэтай краіны пасьля прэзыдэнцкіх выбараў 2010.
Паводле папярэдніх ацэнак эўрапейскіх парлямэнтароў, леташняя беларуская палітыка Брусэлю была беспасьпяховай, а рэпрэсіі рэжыму да яго апанэнтаў толькі ўзмацніліся.
Падчас леташняй дыскусіі па Беларусі эўрапарлямэнтары пад старшынствам Ежы Бузэка ў сваёй заяве ў сувязі з разгонам мірных дэманстрацый у Менску і рэпрэсіямі беларускага рэжыму ў дачыненьні да сваіх апанэнтаў выставілі шэраг патрабаваньняў да кіраўніцтва ЭЗ адносна яго беларускай палітыкі. Сярод іх:
Таксама ў заяве адзначалася, што кіраўніцтва ЭЗ павінна ўсяляк дамагацца ад афіцыйнага Менску безумоўнага і неадкладнага вызваленьня палітвязьняў.
Сайт Эўрапарлямэнту паведамляе, што на будучым тыдні падчас першай пленарнай сэсіі эўрапарлямэнтары павінны абраць новага прэзыдэнта і 14 віцэ-прэзідэнтаў, абмеркаваць эканамічную палітыку ЭЗ ва ўмовах крызысу, а таксама сытуацыю, зьвязаную з інтэрнэт-злачынствамі.
Прадстаўнікі Камітэту па замежных справах заслухаюць даклад дэлегацыі па сувязях зь Беларусьсю і абмяркуюць падыходы ЭЗ у дачыненьні да гэтай краіны пасьля прэзыдэнцкіх выбараў 2010.
Паводле папярэдніх ацэнак эўрапейскіх парлямэнтароў, леташняя беларуская палітыка Брусэлю была беспасьпяховай, а рэпрэсіі рэжыму да яго апанэнтаў толькі ўзмацніліся.
Падчас леташняй дыскусіі па Беларусі эўрапарлямэнтары пад старшынствам Ежы Бузэка ў сваёй заяве ў сувязі з разгонам мірных дэманстрацый у Менску і рэпрэсіямі беларускага рэжыму ў дачыненьні да сваіх апанэнтаў выставілі шэраг патрабаваньняў да кіраўніцтва ЭЗ адносна яго беларускай палітыкі. Сярод іх:
- Увядзеньне візавых і эканамічных санкцыяў у дачыненьні да адказных беларускіх чыноўнікаў.
- Узмацненьне фінансавай падтрымкі беларускай грамадзянскай супольнасьці, незалежным СМІ і НДА;
- Павелічэньне фінансавай дапамогі і стыпэндый беларускім студэнтам, выключаным з унівэрсытэтаў за ўдзел у мірных пратэстах;
- Зьніжэньне візавых збораў для беларускіх грамадзян і нават іх адмена для студэнтаў, навукоўцаў і людзей мастацтва.
Таксама ў заяве адзначалася, што кіраўніцтва ЭЗ павінна ўсяляк дамагацца ад афіцыйнага Менску безумоўнага і неадкладнага вызваленьня палітвязьняў.
Сайт Эўрапарлямэнту паведамляе, што на будучым тыдні падчас першай пленарнай сэсіі эўрапарлямэнтары павінны абраць новага прэзыдэнта і 14 віцэ-прэзідэнтаў, абмеркаваць эканамічную палітыку ЭЗ ва ўмовах крызысу, а таксама сытуацыю, зьвязаную з інтэрнэт-злачынствамі.
