Лінкі ўнівэрсальнага доступу

Міліцыя затрымала Сяргей Папова


Турма на вуліцы Акрэсьціна
Турма на вуліцы Акрэсьціна

8 верасьня раніцай міліцыянты затрымалі кіраўніка менскай арганізацыі незарэгістраванай Партыі Свабоды Сяргея Папова.

Міліцыянты таксама ўчынілі ператрус на кватэры, дзе жыве Папоў. З пастановы на ператрус вынікае, што хлопца падазраюць у датычнасьці да здарэньня ля турмы на вуліцы Акрэсьціна.

6 верасьня невядомыя кінулі ў будынак турмы некалькі "кактэляў молатава". Відэа гэтага здарэньня можна паглядзець тут

У часе ператрусу ў Папова міліцыянты сканфіскавалі 2 пустыя каністры з-пад бэнзіну, бутэльку машыннага масла, кампутар, дыскі і фотакамэру маці хлопца.

Бацькі Сяргея некалькі разоў заяўлялі, што іхны сын ня мае дачыненьня да здарэньня 6 верасьня, бо ў той дзень знаходзіўся на лецішчы за горадам.

7 верасьня міліцыя Менску паведаміла, што распачала крымінальную справу па факту здарэньня ля турмы на вуліцы Акрэсьціна. Хоць днём раней прадстаўнікі МУС абвяргалі сам факт здарэньня.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG