Лінкі ўнівэрсальнага доступу

Вольга Карач — ляўрэатка міжнароднай прэміі за мужнасьць


Вольга Карач
Вольга Карач
Віцебская праваабаронца Вольга Карач стала ляўрэаткай міжнароднай Радэбойльскай прэміі “За мужнасьць”.

Прэмія названая ў гонар нямецкага мястэчка Радэбойль (прыгарад Дрэздэна), дзе ў 1645 годзе было падпісана перамір'е, і такім чынам пакладзены канец трыццацігадовай вайне (1618—1648) — аднаму зь першых міжэўрапейскіх канфліктаў.

Ад 2004, раз на два гады, Радэбойльская прэмія мужнасьці прысуджаецца грамадзкаму дзеячу з Цэнтральнай, Усходняй і Паўднёва-Усходняй Эўропы за заслугі ў справе абароны грамадзкіх інтарэсаў, аховы прыроды і правоў чалавека. Паводле арганізатараў конкурсу, сёлетняя ляўрэатка вядомая ў сябе на радзіме як аўтарка праекту, накіраванага на захаваньне прававой законнасьці, а таксама на разьвіцьцё грамадзянскай супольнасьці ў складаных умовах. У мінулыя гады ляўрэатамі прэміі таксама былі прадстаўнікі Беларусі: журналіст Аляксей Кароль і праваабаронца Алег Волчак. Сёлетняя цырымонія ўручэньня прэміі, памер якой складае € 5000, па традыцыі адбудзецца ў знакамітай старадаўняй радэбойльскай Царкве Міру пры канцы тыдню.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG