Прэзыдэнт Польшчы выказаў падтрымку паплечнікам Анжалікі Борыс

На сайце прэзыдэнта Польшчы Леха Качыньскага зьявілася паведамленьне аб тым, што ён зноў выказвае поўную падтрымку Саюзу палякаў Беларусі, якім кіруе Анжаліка Борыс.

У паведамленьні зьмяшчаюцца словы салідарнасьці зь землякамі ў Беларусі, якія па-ранейшаму зазнаюць нематываваныя рэпрэсіі. У сучасным сьвеце захаваньне правоў нацыянальных меншасьцяў — гэта адзін з канонаў элемэнтарных правоў чалавека, гаворыцца далей. Канцылярыя прэзыдэнта Польшчы плянуе ў найбліжэйшы час запрасіць Анжаліку Борыс і яе паплечнікаў, зазначана на сайце.