Лінкі ўнівэрсальнага доступу

Паплечнікі Анжалікі Борыс склікаюць сход


Анжаліка Борыс

Анжаліка Борыс

Сёньня ў Горадні пры канцы дня мае адбыцца гарадзкі сход сябраў не прызнаванага ўладамі Саюзу палякаў. Яны маюць абмеркаваць становішча арганізацыі, апошнія падзеі, зьвязаныя зь яго пагаршэньнем.


Учора міліцыянты занялі Дом польскі ў Івянцы Валожынскага раёну, дзе па-ранейшаму падтрымлівалі Анжаліку Борыс. На ганку будынку сабраліся некалькі дзесяткаў польскіх актывістаў. Міліцыянты іх не разганялі, позна ўвечары людзі разышліся. Уначы ў Валожыне з райаддзелу міліцыі выпусьцілі некалькіх актывістаў Саюзу палякаў, якія ехалі ў Івянец з Горадні і былі затрыманыя міліцыянтамі.

Нагадаем таксама, што 5 лютага суд у Горадні аштрафаваў на 71 мільён рублёў фірму “Палёніка”, якой кіруе А.Борыс і празь якую Саюз палякаў ажыцьцяўляў культурна-асьветную дзейнасьць. Такі вялікі штраф можа азначаць ліквідацыю фірмы, лічаць актывісты арганізацыі.
XS
SM
MD
LG