Маладафронтаўцы спрабавалі стаць з расьцяжкай, але міліцыянты не далі ім гэтага зрабіць.
Міколу Дземідзенку і Рыту Кароль паплечнікі і сваякі чакалі ад 9 раніцы. Толькі пасьля 14 гадзіны маладафронтаўцаў прывезьлі ў суд.
Нагадаем: 8 верасьня Рыта Кароль і Мікола Дземідзенка, як толькі наблізіліся да будынку амбасады Расейскай Фэдэрацыі, трапілі ў рукі міліцыянтаў. Міколу павалілі на зямлю, а Маргарыту адцягнулі ўбок. Акцыю хацелі зьняць здымачныя групы ОНТ, БТ і СТВ. Мікола і Рыта адмовіліся даць ім камэнтары, патлумачыўшы, што маюць досьвед, як потым у выніку мантажу скажаюць іх словы.
Мікола і Маргарыта лічаць, што мэта акцыі дасягнутая. Яны прыгадалі, як міліцэйскі апэратар хацеў зьняць расьцяжку, і міліцыянты ў параднай форме, як сапраўдныя пікетоўцы, некалькі хвілінаў трымалі яе насупраць будынку амбасады.
Рыта Кароль упершыню трапіла ў камэру турмы на вуліцы Акрэсьціна.
“Калі мы сядзелі ў міліцыі, то там былі такія два супрацоўнікі міліцыі, якія паводзілі сябе вельмі груба. Яны ўвесь час лаяліся, адпускалі жарты наконт беларускай мовы і зьнешняга выгляду. Такія нэрвовыя былі.
Калі прыехалі на Акрэсьціна, то там былі нармальныя міліцыянты. Мяне пасадзілі на першым паверсе. Было вельмі холадна. Я ня спала, усё спрабавала сагрэцца… Але ня так страшна, як падавалася”.
Суд пакараў дзяўчыну штрафам у 175.000 рублёў.
Міколу Дземідзенку давядзецца заплаціць большую суму — мільён 50 тысяч рублёў. Гэта пяты па ліку штраф, якім пакаралі маладафронтаўца за ўдзел у вулічных акцыях.
Мікола Дземідзенка ля суду Цэнтральнага раёну“Я разьлічваў на суткі паводле таго, як было ў міліцыі і вёўся працэс. Чаму так не адбылося? Цяжка сказаць. Нас вазілі з турмы ў міліцыю, там трымалі. Потым сюды прывезьлі і таксама не павялі адразу. Я так зразумеў, што вырашылі ў апошні момант і рашэньне прымала не судзьдзя. Цяжка сказаць, чаму так нэрвова. Магчыма, таму, што дата такая і ўлады хочуць нешта такое прадэманстраваць і Эўропе, і Расеі”.
Мікола Дземідзенка і Рыта Кароль з суду паехалі ў міліцыю, каб забраць свае рэчы і мабільныя тэлефоны. Яны заявілі, што возьмуць удзел у ланцугу на Кастрычніцкай плошчы разам са сваімі сябрамі.
Міколу Дземідзенку і Рыту Кароль паплечнікі і сваякі чакалі ад 9 раніцы. Толькі пасьля 14 гадзіны маладафронтаўцаў прывезьлі ў суд.
Нагадаем: 8 верасьня Рыта Кароль і Мікола Дземідзенка, як толькі наблізіліся да будынку амбасады Расейскай Фэдэрацыі, трапілі ў рукі міліцыянтаў. Міколу павалілі на зямлю, а Маргарыту адцягнулі ўбок. Акцыю хацелі зьняць здымачныя групы ОНТ, БТ і СТВ. Мікола і Рыта адмовіліся даць ім камэнтары, патлумачыўшы, што маюць досьвед, як потым у выніку мантажу скажаюць іх словы.
Мікола і Маргарыта лічаць, што мэта акцыі дасягнутая. Яны прыгадалі, як міліцэйскі апэратар хацеў зьняць расьцяжку, і міліцыянты ў параднай форме, як сапраўдныя пікетоўцы, некалькі хвілінаў трымалі яе насупраць будынку амбасады.
Рыта Кароль упершыню трапіла ў камэру турмы на вуліцы Акрэсьціна.
“Калі мы сядзелі ў міліцыі, то там былі такія два супрацоўнікі міліцыі, якія паводзілі сябе вельмі груба. Яны ўвесь час лаяліся, адпускалі жарты наконт беларускай мовы і зьнешняга выгляду. Такія нэрвовыя былі.
Калі прыехалі на Акрэсьціна, то там былі нармальныя міліцыянты. Мяне пасадзілі на першым паверсе. Было вельмі холадна. Я ня спала, усё спрабавала сагрэцца… Але ня так страшна, як падавалася”.
Суд пакараў дзяўчыну штрафам у 175.000 рублёў.
Міколу Дземідзенку давядзецца заплаціць большую суму — мільён 50 тысяч рублёў. Гэта пяты па ліку штраф, якім пакаралі маладафронтаўца за ўдзел у вулічных акцыях.
Мікола Дземідзенка і Рыта Кароль з суду паехалі ў міліцыю, каб забраць свае рэчы і мабільныя тэлефоны. Яны заявілі, што возьмуць удзел у ланцугу на Кастрычніцкай плошчы разам са сваімі сябрамі.
