пятніца, 10 лютага 2012, Менск 10:09
Радыё / Расклад

Грамадзтва

Сустрэча на Вэстэрплятэ: угодкі ў цені Пуціна

1 верасьня ў Гданьску на мысе Вэстэрплятэ, у месцы, дзе 70 гадоў таму прагучалі першыя стрэлы Другой сусьветнай вайны, польскія ўлады адзначылі ўгодкі гэтай вайны разам з 30 дзяржаўнымі дэлегацыямі з усяго сьвету.

x

Іншыя артыкулы на гэтую тэму

ПАМЕР ШРЫФТУ - +
Радыё Свабода (Варшава)

01.09.2009 23:21

У Гданьск прыляцелі, між іншым, прэм’ер-міністар Расеі Ўладзімер Пуцін і канцлер Нямеччыны Ангела Мэркель. Ад Беларусі — прэм'ер-міністар Беларусі Сяргей Сідорскі. На тэлефоннай сувязі з Польшчы Аляксей Дзікавікі

“І зноў Пуцін”, “Угодкі ў цені Пуціна” — гэтак сёлетнія мерапрыемствы з нагоды 70-х угодкаў пачатку Другой сусьветнай вайны назвала Польская штодзённая газэта “Dziennik”. Бадай што цяжка знайсьці больш трапныя словы каб акрэсьліць атмасфэру напярэдадні і падчас урачыстасьцяў. Што скажа Пуцін у часе сваёй прамовы ў Гданьску, ці прызнае ўдзел Савецкага Саюзу аб падзеле Польшчы ў 1939 годзе, ці будзе казаць пра Катынь, наколькі вострай будзе прамова Леха Качыньскага? На гэтыя пытаньні ўжо можна даць адказ, прэзыдэнт Польшчы Качыньскі казаў пра ахвяры Катыні. Вінаватыя ў гэтым злачынстве нават не камунізм, не камуністычная сыстэма, а шавінізм, які быў неадлучным элемэнтам тагачаснай савецкай сыстэмы. Качыньскі адзначыў гераізм розных народаў у тым ліку і беларусаў, аднак падкрэсьліў, што перамога над фашызмам не прынесла поўнай незалежнасьці Польшчы і свабоды народам Цэнтральнай і Ўсходняй Эўропы.

Канцлер Нямеччыны Ангела Мэркэль казала пра ахвяры нямецкай акупацыі ня толькі ў Польшчы, але й ўва ўсёй Эўропе і дзякавала за тое, што іншыя эўрапейскія народы працягнулі немцам руку дапамогі, дзякуючы якой сталася магчымым разбурэньне бэрлінскай сьцяны і пабудова новай Эўропы.

Уладзімер Пуцін заклікаў пазбавіцца аж стэрэатыпаў у ацэнках Другой Сусьветнай вайны ды падкрэсьліў, што яшчэ парлямант Савецкага Саюзу асудзіў пакт Молатава-Рыбэнтропа і заклікаў зрабіць тое ж самае іншыя краіны. “Мая краіна ня толькі прызнае памылкі дапушчаныя ў мінулым але і робіць унёсак у пабудову новага сьвету. Менавіта Расея зрабіла вялікі ўнёсак у разбурэньне бэрлінскай сьцяны ды пабудову новай Эўропы”, — сказаў Пуцін. Ва ўрачыстасьцях узялі ўдзел 20 прэм’ераў розных краінаў, у тым ліку беларускі прэм’ер Сяргей Сідорскі, але ягоная прамова не была заплянаваная. 2 верасьня ў Гданьску Сідорскі сустрэнецца з прадстаўнікамі дзелавых колаў Паморскага ваяводства ды іншымі польскімі бізнэсоўцамі.
Гэтая дыскусія закрытая.
Сартаваць камэнтары
Камэнтары
     
Імя:: Зьміцер
02.09.2009 02:15




3 ліпеня ў Вільні камітэт Парлямэнцкай асамблеі АБСЭ па дэмакратыі прыняў рэзалюцыю «Узьяднаньне падзеленай Эўропы», у якой асуджаюцца таталітарныя рэжымы, а сталінізм прыраўноўваецца да нацызму. У рэзалюцыі гаворыцца, што ў мінулым стагоддзі Эўропа пацярпела ад двух магутных таталітарных рэжымаў – нацысцкага і сталінскага. Для асуджэньня таталітарызму АБСЭ прапаноўвае ўвесьці агульнаэўрапэйскі дзень памяці ахвяраў сталінізму і нацызму ды прымеркаваць яго да даты падпісаньня пакту Молатава-Рыбэнтропа (23 жніўня 1939 гаду) па якім Нямеччына і Савецкі Саюз падзялілі Эўропу.

На Нюрнбэрнскім працэсе нацызм быў асуджаны ўсім сьветам, а ідэолагі гэтага чалавека ненавіснага рэжыму былі пасаджаныя на лаву падсудных і пакараныя. Працэс зьнішчэньня людзей нацыстамі быў спынены.

У адрозьненьні ад нацызму, камунізм ня быў асуджаны. Таму некаторыя краіны сьвету за аснову дзяржаўнай ідэалёгіі ўзялі камуністычную ідэю, якая зьяўляецца не меней злачыннай, чым нацысцкая. Носьбітам і распаўсюджвальнікам гэтай смяротнай ідэалёгіі зьяўлялася і зьяўляецца крамлёўская Расея. Расейскія палітыкі зьяўляюцца галоўнымі праціўнікамі рэзалюцыі АБСЭ, а духоўныя лідэры Расеі не жадаюць у поўнай меры прызнаць рэжым Сталіна злачынным.

Дыктатар Лукашэнка, які узурпаваў уладу ў Беларусі, знаходзіць шмат пазітыўнага ў злачынных рэжымах Гітлера і Сталіна.

Беларускія палітычныя ўцекачы, стаўшыя ахвярамі акупацыйнага рэжыму ў сваёй краіне, зьвяртаюць увагу міжнароднай супольнасьці на пагрозу міру, што сыходзіць ад таталітарных рэжымаў.

Будзь то чума чырвоная альбо чорная, яна заўсёды застанецца чумой. У нацызме і сталінізме ёсьць агульны складнік — таталітарны рэжым і мільёны ахвяраў. Нажаль не было працэсу, падобнага Нюрнбергскаму, які б асудзіў сталінізм і камунізм. Трэба яго правесьці, таму што шмат хто яшчэ верыць у правату Сталіна і іншых камуністычных правадыроў.

Людзі, будзьце пільныя!
Імя:: Alies'
02.09.2009 04:08
A Hitler byw awstryjakam, by the way. Ci tam awstryjcy kajalisja u svauih hrahah?
Імя:: Demokrat
03.09.2009 09:41
Поляки тоже не без греха:
1. Война с Чехословакией совместно с Германией в 1938;
2. Кровавое подавление Щучинского восстания в Западной Беларуси в 1939;
3. Убийство евреев теми же поляками во время немецкой оккупации.

Іншыя артыкулы гэтага аўтара

Іншыя артыкулы