Уладзімер Дамашэвіч: “Ня думаў, што гэта будзе апошняя сустрэча...”
12.06.2008 11:53
Чытаем Быкава. Пісьменьнік Уладзімер Дамашэвіч чытае фрагмэнт выступу Васіля Быкава на пленуме Саюзу пісьменьнікаў у лістападзе 1985 году.
У мяне з Васілём Быкавым былі апошнія разьвітальныя сустрэчы. Адна - калі ён жыў яшчэ ў Менску, але ўжо недзе зьбіраўся, я нават ня ведаў куды і што і як у яго атрымаецца. Другая сустрэча была ўжо пазьней, у мэтро на Кастрычніцкай плошчы, ён быў адзеты па-асеньняму, у ахоўнага колеру плашчы. Выглядаў добра. Мне так падалося, што ён яшчэ ў сіле, у моцы, і ў мяне было добрае ўражаньне. Мы так у гэтай мітусьні пастаялі, пагаварылі. Ніколі я ня думаў, што гэта будзе мая апошняя зь ім сустрэча...
Чытаем Быкава. Увесь чэрвень, кожны дзень, на хвалях Свабоды будуць гучаць быкаўскія радкі. Іх будуць чытаць розныя людзі – і блізкія сябры пісьменьніка.
Няма камэнтароў. Дадайце свой і будзьце першы