Беларускі цэнтар у Канзасе 
22.04.2008 18:41
У Вінфэлдзе (штат Канзас, ЗША) адкрыўся Цэнтар беларускіх дасьледаваньняў пры Паўднёва-Заходнім каледжы.
Фотарэпартаж з адкрыцьця цэнтру.
Каледж наведалі ганаровыя госьці -- старшыня Рады БНР Івонка Сурвіла і былы Старшыня Вярхоўнага Савету 12-скліканьня Станіслаў Шушкевіч. На здымку крайні справа – адзін з выканаўчых дырэктараў Цэнтру беларускіх дасьледаваньняў д-р Андру Шэпард.
Прамаўляе першы амбасадар ЗША ў Беларусі д-р Дэвід Суорц. Справа - адзін з выканаўчых дырэктараў Цэнтру, прафэсар Паўліна Сурвіла, зьлева – палітоляг Алесь Лагвінец..
У гонар адкрыцьця Цэнтру беларускіх дасьледаваньняў у каледжы былі ўзьнятыя сьцягі краінаў Эўразьвязу, ЗША і Канады, а таксама бел-чырвона-белы сьцяг
У дыскусіі ўзялі ўдзел Станіслаў Шушкевіч і Івонка Сурвіла.
Цэнтар атрымаў у падарунак беларускія кнігі, у тым ліку – і з сэрыі “Бібліятэка Свабоды. ХХ1 стагодзьдзе”.
Сярод ўдзельнікаў адкрыцьця Цэнтру – прадстаўнікі беларускай дыяспары.
Станіслаў Шушкевіч выступіў з лекцыяй, прысьвечанай пэрспэктывам дэмакратызацыі Беларусі.
Прафэсар унівэрсытэту Ватэрлоо (Канада) Зіна Гімпілевіч прадставіла сваю новую кнігу “Беларуска-габрэйскія пісьменьнікі ХХ стагодзьдзя. Паходжаньне, гісторыя, дыскурс і біяграфіі”, выдадзеную Цэнтрам на беларускай і ангельскай мовах.
Канцэрт Сяржука Сокалава-Воюша.
Сьпявачка з Нью-Ёрку Вольга Казак пазнаёміла са сваімі старымі і новымі песьнямі.