Статак з 242 беларускіх кароваў, якія пасьвіліся на лузе непадалёк ад мяжы, падышоў да ракі Буг, па якой праходзіць беларуска-польская мяжа, каб напіцца. Паводле сьведкаў, раптам каровы пачулі як мычыць карова на польскім баку мяжы і, нібыта падпарадкоўваючыся нейкаму загаду, кінуліся ў ваду і хутка пераплылі раку, апынуўшыся на польскай тэрыторыі каля гарадка Янаў Падляшскі, што паміж Тэрэспалем і Семятычамі.
Пабачыўшы такі дэсант, польскія і беларускія памежнікі, а таксама пастух з польскага боку мяжы абсалютна разгубіліся.
На дапамогу прыйшлі супрацоўнікі Янаўскага коннага заводу, дзе гадуюцца таксама і каровы - беларускіх кароваў, як сказаў кіраўнік заводу Марэк Трэля “у межах міжнароднай салідарнасьці надбужанскіх земляробаў” накармілі і паставілі ў хлявы. Нечаканых гасьцей агледзеў польскі вэтэрынар.
Спадар Трэля, аднак, падкрэсьліў, што не ўхваляе такіх формаў іміграцыі і хацеў бы, каб каровы як мага хутчэй вярнуліся ў Беларусь.
Спроба загнаць жывёлаў назад у ваду, каб яны пераплылі Буг у адваротным накірунку, скончылася правалам – каровы наадрэз адмовіліся нават увайсьці ў ваду. На Янаўскім конным заводзе чакаюць, пакуль беларускі бок прышле па іх грузавікі.
У сераду ўвечары імігранткі яшчэ заставаліся ў Польшчы – ужо 4-ты дзень.
(Супрацоўніца: ) “Яны ў нас яшчэ. Ня ведаю калі па іх прыедуць, як гэта юрыдычна ўсё будзе выглядаць. Але каровы не галодныя, мы іх даглядаем. Нам застаецца толькі чакаць транспарту зь Беларусі, калі адпаведныя ўлады прымуць нейкае рашэньне”, - сказала нашаму радыё адна з супрацоўніцаў Янаўскага коннага заводу.
Каровы, што ўцяклі зь Беларусі, аказаліся маёмасьцю аднаго з памежных саўгасаў – кіраўніцтва гаспадаркі запэўніла, што яны не хворыя.
Польскія памежнікі кажуць, што ў прынцыпе не маглі нічога зрабіць, каб спыніць статак. Паводле іхных словаў, хутчэй за ўсё, на беларускім баку кароваў пакінулі без адпаведнага дагляду. Памежнікі адзначаюць, што гэта першы ў гісторыі выпадак “настолькі масавага пераходу хатніх жывёлаў зь Беларусі на тэрыторыю Эўразьвязу”.
Пабачыўшы такі дэсант, польскія і беларускія памежнікі, а таксама пастух з польскага боку мяжы абсалютна разгубіліся.
На дапамогу прыйшлі супрацоўнікі Янаўскага коннага заводу, дзе гадуюцца таксама і каровы - беларускіх кароваў, як сказаў кіраўнік заводу Марэк Трэля “у межах міжнароднай салідарнасьці надбужанскіх земляробаў” накармілі і паставілі ў хлявы. Нечаканых гасьцей агледзеў польскі вэтэрынар.
Спадар Трэля, аднак, падкрэсьліў, што не ўхваляе такіх формаў іміграцыі і хацеў бы, каб каровы як мага хутчэй вярнуліся ў Беларусь.
Спроба загнаць жывёлаў назад у ваду, каб яны пераплылі Буг у адваротным накірунку, скончылася правалам – каровы наадрэз адмовіліся нават увайсьці ў ваду. На Янаўскім конным заводзе чакаюць, пакуль беларускі бок прышле па іх грузавікі.
У сераду ўвечары імігранткі яшчэ заставаліся ў Польшчы – ужо 4-ты дзень.
(Супрацоўніца: ) “Яны ў нас яшчэ. Ня ведаю калі па іх прыедуць, як гэта юрыдычна ўсё будзе выглядаць. Але каровы не галодныя, мы іх даглядаем. Нам застаецца толькі чакаць транспарту зь Беларусі, калі адпаведныя ўлады прымуць нейкае рашэньне”, - сказала нашаму радыё адна з супрацоўніцаў Янаўскага коннага заводу.
Каровы, што ўцяклі зь Беларусі, аказаліся маёмасьцю аднаго з памежных саўгасаў – кіраўніцтва гаспадаркі запэўніла, што яны не хворыя.
Польскія памежнікі кажуць, што ў прынцыпе не маглі нічога зрабіць, каб спыніць статак. Паводле іхных словаў, хутчэй за ўсё, на беларускім баку кароваў пакінулі без адпаведнага дагляду. Памежнікі адзначаюць, што гэта першы ў гісторыі выпадак “настолькі масавага пераходу хатніх жывёлаў зь Беларусі на тэрыторыю Эўразьвязу”.
