Лінкі ўнівэрсальнага доступу

logo-print

Свабода знайшла «таго самага» трактарыста, які ратаваў людзей ад навальніцы


Віталь Барысаў

Віталь Барысаў

Свабода паразмаўляла зь Віталём Барысавым, які сёньня ратаваў на трактары людзей ад навальніцы.

Сёньня ў сацсетках стала папулярным відэа, дзе кіроўца трактара дапамагае людзям выбрацца з акружаннага вадой прыпынку. Віталю 25 год, ён жыве за горадам і працуе ў «Рэмаўтадоры» Першамайскага раёну. За стрыном такой тэхнікі ўжо пяць год.

Віталь кажа, што такім чынам вывез 4-х чалавек. Начальнік пабачыў, што трактарыст дапамог адной дзяўчыне і дазволіў перавезьці дваіх астатніх. Яшчэ аднаму хлопцу Віталь дапамог пасьля таго, як той зьвярнуўся сам — спазьняўся на працу. Сеткавую папулярнасць начальства пакуль не адзначыла ці не заўважыла.

Як рэагавалі людзі?

— Па-рознаму. Агулам, мяне адправілі на плошчу Калініна, там працавала каналізацыя, але не спраўлялася. І я разганяў ваду.

Таму многія глядзелі як на дурачка, які езьдзіць па праспэкце і ганяе хвалі. Нехта здымаў на відэа ці проста не заўважаў, бо думаў, як бы дабрацца дадому.

Дык ты некаторым і дапамог. Як яны паставіліся да такой “паслугі”?

— Вельмі не чакалі такой прапановы. Але доўга ўгаворваць не давялося:) Канечне, усе дзякавалі за дапамогу пасьля.

А куды, дарэчы, адводзіў?

— Да сухіх месцаў - мэтро альбо пераходы.​

Агулам, як працавалася ў такую навальніцу?

— Даволі весела. Бо я разумеў, што кірую адным зь нешматлікіх відаў транспарту, які можа пераадолець такую стыхію.

Паказаць камэнтары

XS
SM
MD
LG