Лінкі ўнівэрсальнага доступу

logo-print

«Буду праводзіць закон аб падтрымцы беларускай мовы», — першае інтэрвію Анісім пасьля перамогі


Алена Анісім, архіўнае фота

Алена Анісім, архіўнае фота

Першае інтэрвію пасьля перамогі на выбарах у Палату прадстаўнікоў намесьніца старшыні ТБМ Алена Анісім дала Свабодзе.

Першая намесьніца старшыні Таварыства беларускай мовы Алена Анісім нарадзілася ў 1962 годзе, працуе навуковым супрацоўнікам Інстытута мовазнаўства Нацыянальнай акадэміі навук Беларусі. Беспартыйная.

А палове на другую ўначы спадарыня Анісім адказала на тры пытаньні Свабоды.

1. «З чаго будзе пачынаць дэпутацкую дзейнасьць?»

«З пошуку паплечнікаў і аднадумцаў. Каб мы разам праводзілі законы, якія патрэбныя Беларусі».

2. «З распрацоўкі якога закону пачняце?»

«Наша таварыства падрыхтавала законапраект аб падтрымцы беларускай мовы дзяржавай. І, канечне, гэты закон мы будзем праводзіць у жыцьцё».

3. «Сёньня абралі і Ганну Канапацкую з АГП. Можа, улады лічаць, што з жанчынамі ім будзе лягчэй працаваць? Жанчыны ўсё ж больш лагодныя».

«Я тут з вамі ня згодная. Жанчыны ня больш лагодныя, а больш настойлівыя, больш перакананыя. Жанчыны не адступаюць. Яны заўжды дамагаюцца свайго. Нездарма ж кажуць: чаго хоча жанчына, таго хоча Бог».

Паказаць камэнтары

XS
SM
MD
LG