Лінкі ўнівэрсальнага доступу

logo-print

Канавец: «Паважаю Аляксандра Рыгоравіча. Апазыцыя — не канкурэнт»


Belarus - Navapolatsk businessman head of tourism and transport companies, 36-year-old Andrey Kanavets registered an initiative group to collect signatures for registration of presidential candidate, 16Jul2015

Belarus - Navapolatsk businessman head of tourism and transport companies, 36-year-old Andrey Kanavets registered an initiative group to collect signatures for registration of presidential candidate, 16Jul2015

Наваполацкі бізнэсовец — кіраўнік турыстычнай і транспартнай кампаніяў, 36-гадовы Андрэй Канавец зарэгістраваў ініцыятыўную групу па зборы подпісаў на рэгістрацыю кандыдатам у прэзыдэнты краіны.

Андрэй Канавец адказаў на пытаньні Свабоды.

— Я даўно пра гэта думаў. Цяпер якраз надышоў такі час і ўзрост таксама. Маю перадвыбарчую праграму, іду адзін. Ёсьць група людзей, якія мяне падтрымліваюць. Хачу пабудаваць новае жыцьцё ў Беларусі. Я так лічу, але як народ захоча — я ж не магу гарантаваць на сто адсоткаў за ўвесь народ. Але тое, што я хачу зрабіць, спадзяюся, усім спадабаецца і пойдуць за мяне.

— Маеце спадзяваньне сабраць неабходныя сто тысяч подпісаў?

— Колькі атрымаецца. Ніхто ня можа гарантаваць, колькі хто можа сабраць, ніводзін кандыдат. Я таксама не гарантую, але буду старацца сабраць гэтулькі, колькі патрэбна.

— У вашай перадвыбарчай праграме на чым перадусім акцэнтуеце ўвагу — на палітычным ці эканамічным рэфармаваньні Беларусі?

— Я гэтыя пытаньні пакуль абмяркоўваць ня буду.

— Як вы ацэньваеце цяперашняе палітычнае становішча ў краіне, як ставіцеся да дзейнага кіраўніка Аляксандра Лукашэнкі, да апазыцыі?

— Я паважаю Аляксандра Рыгоравіча, а ў апазыцыі ня бачу канкурэнтаў. Яны ўжо не адзін год спрабавалі выбірацца, але нічога...

— І ўсё ж — што вам дало штуршок паўдзельнічаць у прэзыдэнцкіх выбарах менавіта цяпер?

— Вера ў шчасьлівую будучыню Беларусі.

— У гэта можна верыць і без удзелу ў выбарах.

— Спадзяюся, што мы яшчэ спаткаемся і паразмаўляем. Калі мяне прымуць — тады і спаткаемся.

Фота з старонкі Андрэя Канаўца ва «Ўкантакце», першы запіс на якой быў зроблены 14 ліпеня

Фота з старонкі Андрэя Канаўца ва «Ўкантакце», першы запіс на якой быў зроблены 14 ліпеня

Паказаць камэнтары

XS
SM
MD
LG