Галоўная ўвага ў дакумэнце надаецца тым краінам, ў якіх de jure ёсьць свабода рэлігіі й прынцыповае аддзяленьне царквы ад дзяржавы існуе, аднак, насамрэч, de facto гэтыя правы прызнаюцца ўладамі толькі часткова, бо ўлады бачаць у пэўных рэлігійных групах пагрозу афіцыйным канфэсіям.
Гэта, як вынікае з новай справаздачы адмысловай камісіі Кангрэсу ЗША, датычыць цяпер і сытуацыі зь веравызнаньнем у Беларусі.
Нагадаем, што Камісія па міжнародных рэлігійных свабодах пры Кангрэсе Злучаных Штатаў была створаная ў 1998 годзе. У яе склад уваходзяць незалежныя экспэрты, якія штогод вывучаюць стан свабоды сумленьня, веравызнаньня і рэлігіі ў розных краінах сьвету і ў выніку прадстаўляюць свае матэрыялы прэзыдэнту, у Дзярждэпартамэнт і Кангрэсу ЗША.
Паводле дакумэнту камісіі, Беларусь разам з Кубай, Эгіптам і Нігерыяй уваходзіць у гэтак званы “Watch List“ альбо сьпіс краін, за якімі трэба ўважліва назіраць, паколькі правы чалавека на веравызнаньне захоўваюцца тут недастаткова. Камісія не выключае, што беларускія ўлады і надалей будуць праводзіць палітыку наўмысных бюракратычных і юрыдычных абмежаваньняў што да прадстаўнікоў розных неафіцыйных рэлігійных груп і кангрэгацыяў.
Паводле кангрэсавай камісіі, найбольш складаная сытуацыя ў галіне права на веравызнаньне назіраецца ва Ўзбэкістане. Гэта адзіная краіна, якая другі раз запар трапляе ў сьпіс найбольш праблематычных краінаў.
Гэта, як вынікае з новай справаздачы адмысловай камісіі Кангрэсу ЗША, датычыць цяпер і сытуацыі зь веравызнаньнем у Беларусі.
Нагадаем, што Камісія па міжнародных рэлігійных свабодах пры Кангрэсе Злучаных Штатаў была створаная ў 1998 годзе. У яе склад уваходзяць незалежныя экспэрты, якія штогод вывучаюць стан свабоды сумленьня, веравызнаньня і рэлігіі ў розных краінах сьвету і ў выніку прадстаўляюць свае матэрыялы прэзыдэнту, у Дзярждэпартамэнт і Кангрэсу ЗША.
Паводле дакумэнту камісіі, Беларусь разам з Кубай, Эгіптам і Нігерыяй уваходзіць у гэтак званы “Watch List“ альбо сьпіс краін, за якімі трэба ўважліва назіраць, паколькі правы чалавека на веравызнаньне захоўваюцца тут недастаткова. Камісія не выключае, што беларускія ўлады і надалей будуць праводзіць палітыку наўмысных бюракратычных і юрыдычных абмежаваньняў што да прадстаўнікоў розных неафіцыйных рэлігійных груп і кангрэгацыяў.
Паводле кангрэсавай камісіі, найбольш складаная сытуацыя ў галіне права на веравызнаньне назіраецца ва Ўзбэкістане. Гэта адзіная краіна, якая другі раз запар трапляе ў сьпіс найбольш праблематычных краінаў.
