Колішняя міністарка замежных справаў Аўстрыі, а ад ўчора кіраўнічка камісіі Эўразьвязу па пытаньнях замежных дачыненьняў і палітыкі новага суседзтва Бэніта Фэрэра-Вальднэр заявіла, што яна і яе калегі па Эўракамісіі маюць намер надаць значна болей увагі такім краінам як Украіна, Беларусь, Малдова, Грузія, Армэнія, Азэрбайджан.
Спадарыня Фэрэра-Вальднэр лічыць слушнымі заявы тых палітыкаў і экспэртаў, якія крытыкуюць Брусэль за недастатковую ўвагу да гэтых постсавецкіх краінаў.
Паводле камісара Эўразьвязу, сёньня Украіна і Беларусь знаходзяцца ў цэнтры ўвагі эўрапейцаў. Гэтыя краіны патрабуюць не агульных, а індывідуальных падыходаў з боку Брусэля. Размова ідзе як пра выпрацоўку партнэрскіх праграмаў, так і плянаў акцый. Належным чынам гэта будзе абмяркоўвацца ўжо ў сьнежні – у часе паседжаньняў адмысловых камісіяў, так і Рады Эўразьвязу.
Калі ўзяць тую ж Украіну, то для Эўразьвязу галоўнае, каб вынікі выбараў адпавядалі волі народу. Пры гэтым сытуацыя ў гэтае краіне ніяк ня мусіць дэстабілізавацца, – кажа Фэрэра-Вальднэр.
Паводле яе словаў, ставіць нейкія ўмовы тут пакуль што зарана “Палітыка новага суседства Эўразьвязу ня ёсьць сродкам ціску ці пагрозы. Гэта палітыка прапановаў. Калі нейкая нашая прапанова адхіляецца з тае нагоды, што яна прынцыпова непрымальная, нам трэба толькі чакаць. Канечне, гэта шкада. Я б вельмі не хацела – я апэлюю да Украіны –каб зь яе ня стала другой Беларусі”, заявіла ў інтэрвію нямецкай “Frankfurter Allgemeine” камісар Эўразьвязу па пытаньнях палітыкі новага суседзтва Бэніта Фэрэра-Вальднэр.
Спадарыня Фэрэра-Вальднэр лічыць слушнымі заявы тых палітыкаў і экспэртаў, якія крытыкуюць Брусэль за недастатковую ўвагу да гэтых постсавецкіх краінаў.
Паводле камісара Эўразьвязу, сёньня Украіна і Беларусь знаходзяцца ў цэнтры ўвагі эўрапейцаў. Гэтыя краіны патрабуюць не агульных, а індывідуальных падыходаў з боку Брусэля. Размова ідзе як пра выпрацоўку партнэрскіх праграмаў, так і плянаў акцый. Належным чынам гэта будзе абмяркоўвацца ўжо ў сьнежні – у часе паседжаньняў адмысловых камісіяў, так і Рады Эўразьвязу.
Калі ўзяць тую ж Украіну, то для Эўразьвязу галоўнае, каб вынікі выбараў адпавядалі волі народу. Пры гэтым сытуацыя ў гэтае краіне ніяк ня мусіць дэстабілізавацца, – кажа Фэрэра-Вальднэр.
Паводле яе словаў, ставіць нейкія ўмовы тут пакуль што зарана “Палітыка новага суседства Эўразьвязу ня ёсьць сродкам ціску ці пагрозы. Гэта палітыка прапановаў. Калі нейкая нашая прапанова адхіляецца з тае нагоды, што яна прынцыпова непрымальная, нам трэба толькі чакаць. Канечне, гэта шкада. Я б вельмі не хацела – я апэлюю да Украіны –каб зь яе ня стала другой Беларусі”, заявіла ў інтэрвію нямецкай “Frankfurter Allgemeine” камісар Эўразьвязу па пытаньнях палітыкі новага суседзтва Бэніта Фэрэра-Вальднэр.
