Як паведамляе Белы дом, у чарговы пакет узбраеньняў таксама ўвайшлі:
- супрацьпаветраныя ракетныя комплексы Stinger
- снарады для артылерыі калібрам 155 і 105 мм
- вайсковыя аўтамабілі клясы HMMWV і MRAP
- супрацьтанкавыя ракетныя комплексы Javelin і AT4
- транспартныя сродкі матэрыяльна-тэхнічнага забесьпячэньня
- тактычныя аўтамабілі для буксіраваньня і транспартаваньня тэхнікі
24 красавіка прэзыдэнт ЗША Джо Байдэн падпісаў закон, які прадугледжвае выдзяленьне $61 млрд вайсковай дапамогі Ўкраіне. У той жа дзень Пэнтагон заявіў аб адпраўцы Кіеву першага пакета вайсковай дапамогі на суму $1 млрд, у які, сярод іншага, увайшлі боепрыпасы для РСЗА HIMARS, БМП Bradley, высокадакладныя ракеты для авіяцыі і іншае ўзбраеньне.
З $60,84 млрд, прызначаных Украіне, каля $23 млрд пойдуць на папаўненьне запасаў амэрыканскай зброі, больш за $11 млрд — на фінансаваньне бягучых ваенных апэрацый ЗША ва Украіне і яшчэ амаль $14 млрд — на закуп узбраеньня і абароннай прадукцыі. Таксама Ўкраіне дадуць $7,85 млрд у крэдыт для падтрыманьня эканомікі. Акрамя таго, законапраект прадугледжвае пастаўку Кіеву дальнабойных ракет ATACMS.
Законапраект аб выдзяленьні Ўкраіне $60 млрд быў заблякаваны ў Кангрэсе ЗША з канца 2023 году. На думку Інстытуту вывучэньня вайны, гэта паўплывала на сытуацыю на фронце: ва Ўкраіне ўзьнік дэфіцыт узбраеньня, і Расея за кошт гэтага змагла дабіцца тактычных посьпехаў.
Форум