Лінкі ўнівэрсальнага доступу

У Менску выпусьцілі некаторых затрыманых


Любоў Лунёва, Менск Затрыманых удзельнікаў шэсьця да будынку Нацыянальнай бібліятэкі пачалі адпускаць без складаньня пратаколаў.

У часе разгону акцыі на пляцоўцы перад будынкам Нацыянальнай бібліятэкі спэцназаўцы затрымалі некалькі чалавек. Некаторых адвезьлі на адлегласьць прыкладна кілямэтра ад месца інцыдэнту і адпусьцілі. Яшчэ некалькі чалавек трапілі ў аўтобусы. Юнакі, якія мелі пры сабе мабільныя тэлефоны, паведамілі, што затрыманых не адвялі ў будынак міліцыі, а па адным адпусьцілі. Але тых маладых людзей, якіх затрымалі, калі калёна дэманстрантаў наблізілася да бібліятэкі, пакуль трымаюць у міліцыі.

12 чалавек трымалі ў аўтобусе ў двары міліцыі Цэнтральнага раёну Менску больш за пяць гадзінаў. Іх затрымалі а палове на 12, калі яны ішлі на Кастрычніцкую плошчу з боку Нямігі. Як толькі акцыя апазыцыі скончылася, людзей адпусьцілі.

У турме на вуліцы Акрэсьціна застаюцца больш за дзесятак чалавек, якіх затрымалі цягам апошніх трох сутак. Адны зь іх ужо арыштаваныя, іншых будуць судзіць заўтра, 26 сакавіка.
XS
SM
MD
LG