Новы суд над палітвязьнем
Берасьцейскі абласны суд разглядае крымінальную справу 68-гадовага жыхара Ляхавіч Барыса Вітко, якога раней асудзілі за абразу судзьдзі паводле арт. 391 КК, піша Праваабарончы цэнтар «Вясна».
20 студзеня 2023 году суд Ляхавіцкага раёну прызнаў яго вінаватым і прысудзіў два гады абмежаваньня волі без накіраваньня ва ўстанову адкрытага тыпу («хатняя хімія»).
На гэты раз палітвязьню выставілі больш сур’ёзныя абвінавачаньні паводле некалькіх артыкулаў Крымінальнага кодэксу:
Новую справу з 4 студзеня разглядае судзьдзя Вера Філонік.
На першым судзе Барысу ставілася ў віну тое, што ў тэлеграм-канале «Ляхавічы 97» ён напісаў нібыта абразьлівы камэнтар у дачыненьні да судзьдзі Мікалая Кміты.
Сілавікі затрымалі зваршчыка
Сілавікі затрымалі зваршчыка з-за камэнтароў у чатах, відэа з ім апублікаваў праўладны канал.
Як піша «Мэдыязона», на відэа затрыманы кажа, што «наведваў сайты ненармальныя» і «быў падпісаны на дэструктыўныя тэлеграм-каналы, і пакідаў там нэгатыўныя камэнтары». У відэа дэманструюцца скрыншоты камэнтароў, частка з іх датычыцца расейскіх вайскоўцаў.
Па якім артыкуле затрыманы зваршчык, і што з ім зараз — невядома.
