Ужо сёньня: Дзень народзінаў Уладзімера Жылкі

Падзеі 27 траўня ў беларускай і сусьветнай гісторыі.

Дзень у гісторыі

1634 — у вёсцы Палянава пачаліся перамовы між прадстаўнікамі Рэчы Паспалітай і Расеі аб заканчэньні вайны 1632–1634 гадоў.

1994 — Аляксандар Салжаніцын разам зь сям’ёй вярнуўся з ЗША ў Расею.

У гэты дзень нарадзіліся

1895 — Ігнат Дварчанін, беларускі грамадзка-палітычны дзеяч, скарыназнаўца.

1900 — Уладзімер Жылка, беларускі паэт.

1932 — Анатоль Сабалеўскі, беларускі тэатразнаўца і пэдагог.

1937 — Міхась Біч, беларускі гісторык.

1939 — Анатоль Міхайлаў, беларускі філёзаф, акадэмік НАН Беларусі, заснавальнік ЭГУ.

1943 — Валеры Панамароў, беларускі рэжысэр, сцэнарыст і прадусар тэатру і кіно.

1957 — Алег Латышонак, беларускі і польскі гісторык, доктар гістарычных навук, старшыня Беларускага гістарычнага таварыства ў Польшчы.

У памяці

1564 — Жан Кальвін, францускі рэфарматар каталіцкае царквы.

1840 — Нікаля Паганіні, італьянскі скрыпач-віртуоз і кампазытар.

1871 — у Парыжы ва ўзросьце 34 гадоў быў расстраляны вэрсальцамі Кастусь Далеўскі.Падчас паўстаньня Кастуся Каліноўскага ён быў камандзірам атраду на Ковеншчыне. Пасьля паразы паўстанцаў Далеўскі здолеў перабрацца ў Францыю, дзе пасябраваў зь Яраславам Дамброўскім і далучыўся да парыскіх камунараў.

1964 — Джавахарлал Нэру, індыйскі палітык.