Шасьцярых беларусаў, якія ваююць за Расею, цэнтар ідэнтыфікаваў як 52-гадовага Анатоля Малчанава, 42-гадовага Андрэя Грышуціна, 32-гадовага Аляксандра Ступніцкага, аршанца Сяргея Сазанава, 38-гадовага бабруйчаніна Дзяніса Зубава і 46-гадовага Сяргея Ланавенку, народжанага ў Асіповічах. Апошні расказаў журналістам, што ў ліпені прыяжджаў у адпачынак у Беларусь, і пытаньняў з боку сілавікоў да яго ня ўзьнікла.
Як сьцьвярджае расьсьледавальніцкі цэнтар, Малчанаў служыць ва ўзброеных сілах самаабвешчанай ДНР, а Ланавенка — у «народнай міліцыі». Ступніцкі, Сазонаў і Зуб — найміты ў складзе «ЧВК Вагнэра».
Як адзначаюць журналісты, астатнія шасьцёра зь беларусаў, якія ваявалі за Расею, — Васіль Курловіч, Павал Яўглеўскі, Пётр Лузанаў, Мікалай Маркаў, Уладзіслаў Чарноў і Андрэй Бабко — ужо загінулі.
Журналісты патэлефанавалі ў МУС, каб даведацца, якія захады там робяць супраць беларусаў, якія ваююць ва Ўкраіне на баку Расеі. Намесьнікі міністра ўнутраных спраў Мікалай Карпянкоў і Генадзь Казакевіч адмовіліся ад камэнтароў праз тэлефон. У прэс-службе ведамства на званкі і запыты не адказалі.
