Рашэньне прынята на падставе нядаўна зацьверджанага закону аб абмежавальных захадах, якія ўключаюць замарожваньне актываў.
«У сьпісе таксама будуць прадпрыемствы і алігархі, зьвязаныя з рэжымам Лукашэнкі — рэжымам, які падтрымлівае вайну ва Ўкраіне, агрэсію Расеі супраць Украіны, які парушае правы чалавека, адказны за рэпрэсіі супраць свайго народа. Прадстаўніком такіх кампаній у сьпісе будзе кампанія BELOIL Polska, якая пастаўляе маторныя алеі і звадкаваны паліўны газ», — сказаў Марыюш Каміньскі.
Міністар растлумачыў, што санкцыі прадугледжваюць замарожваньне рахункаў, адмову таргаваць акцыі. У выпадку алігархаў будзе дзейнічаць забарона на ўезд у краіну. Каміньскі таксама зазначыў, што выяўленьне расейскіх актываў у Польшчы працягнецца.
Усяго ў санкцыйным сьпісе 15 чалавек і 35 кампаній. Абмежавальныя захады набылі моц з 26 красавіка.
З кампаній, зьвязаных зь Беларусьсю, у сьпіс уключана BELOIL Polska, якая належыць «Беларуснафце» і БНК. Яе рахункі і актывы будуць замарожаныя, такім чынам яна ня зможа ўдзельнічаць у дзяржзакупках.
Пад санкцыі трапілі:
- Тацьцяна Бакальчук, уласьніца Wildberries;
- Алег Дзерыпаска;
- Міхаіл Фрыдман;
- Міхаіл Гуцэрыеў;
- Саіт-Салам Гуцэрыеў;
- Вячаслаў Кантор;
- Яўген Касьперскі;
- Аляксандра і Андрэй Мельнічэнкі;
- Аляксей Мардашоў;
- Аляксей Нячаеў;
- Барыс Нураліеў, кіраўнік «1С»;
- Цімур Рашыдаў;
- Ігар Сечын;
- Віктар Вексельберг;
У дачыненьні да кампаній распаўсюджваюцца ў тым ліку на:
- «Акрон»,
- зьвязаныя з Нураліевым польскія юрыдычныя асобы Axioma, «ФосАгро»,
- дыстрыбутара СВЭК Barter Coal і іншыя польскія юрыдычныя асобы СВЭК,
- Eurochem Polska,
- польскія юрыдычныя асобы Faberlic,
- сетка крам Go Sport, якая належыць «Спорт-Мастеру»
- КамАЗ,
- Kaspersky Lab і яе польскіх дыстрыбутараў,
- KTK Polska,
- кампанію «Новатек» і яе польскія юрыдычныя асобы,
- кампанію Maga Foods (вытворчасьць прадуктаў харчаваньня), зьвязаная зь Міхаілам Фрыдманам,
- «Газпром»,
- Severstal Distribution,
- 1C-POLAND,
- WILDBERRIES і інш.
Вайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.
