Затрыманы тры дні таму старшыня суполкі Беларускага свабоднага прафсаюзу Мікола Шарах на волі. Пра гэта паведаміў у сваім Фэйсбуку намесьнік старшыні Беларускага кангрэсу незалежных прафсаюзаў Сяргей Антусевіч.
Шараха затрымалі ў Полацку, дзе ён жыве, 14 ліпеня, калі ператрусы адбыліся прынамсі ў 19 правабарончых і іншых грамадзкіх арганізацыях.
Пасьля ператрусаў па ўсёй Беларусі былі затрыманыя грамадзкія дзеячы і актывісты, якія рашэньнем праваабарончай супольнасьці прызнаныя палітычнымі вязьнямі. Агулам – 12 чалавек, сярод іх і Мікола Шарах.