«Гомельтранснафта» з 12:00 9 чэрвеня спыняе на чатыры дні пампаваньне нафты ў кірунку Адамавай Заставы (Польшча) для правядзеньня работ на беларускім участку нафтаправоду «Дружба».
Пра гэта паведаміў журналістам афіцыйны прадстаўнік «Транснафты» Ігар Дзёмін, піша ТАСС.
Нафтаправод «Дружба» забясьпечвае пастаўкі нафты на беларускія НПЗ і яе транзыт у Эўразьвяз.
У Польшчы пра гэта напісалі многія буйныя СМІ, якія акцэнтуюць увагу на тым, што работы абвешчаныя ў тэрміновым парадку.
