29 чэрвеня 2016 году ў Менску памерла вядомая журналістка, былая супрацоўніца Радыё Свабода Вольга Караткевіч. Прычынай сьмерці стала цяжкае анкалягічнае захворваньне. Ёй было 43 гады.
Вольга Караткевіч нарадзілася 8 ліпеня 1972 году. Яна працавала на Радыё Свабода з 1996 па 2009 год. Усьвядоміла сябе беларускай дзякуючы Зянону Пазьняку.
Скончыла філялягічны факультэт БДУ. Пісала вершы і прозу на беларускай мове, перакладала з польскай і ангельскай. У журналістыцы з 1994 году, працавала ў тэлекампаніі «ФІТ», на Радыё 101.2, у беларускай рэдакцыі Польскага Радыё, газэце «Наша Ніва».
Рыгор Барадулін пісаў пра Вольгу Караткевіч (з кнігі «Дуліна ад Барадуліна):
У Вольгі энэргіі й клёку
Хапае, каб быць прэзыдэнтшаю,
Каб браць гарады не з наскоку,
Пярэчыць праменіста змроку,
А змрок, як знарок, ані меншае.
Абмытай пяшчотнай залеваю,
У сэксе ёй быць каралеваю!
Самы зорны час у журналістыцы для Вольгі Караткевіч прыпаў на 1999–2009 гады, калі яна працавала ў Беларускай службе Радыё Свабода ў Празе.
Вольга Караткевіч, вядучая эфіру «Радыё Свабода» 24 сакавіка 2006 г.
Разгон намётавага лягеру
Павел Шарамет: «Галоўны варыянт Крамля — варыянт аб’яднаньня Інтэрвію з Паўлам Шарамэтам.
Зянон Пазьняк: «Нацыяналізм і дэмакратыя — сынонімы» (Інтэрвію з Зянонам Пазьняком)
«З чаго пачынаецца Жодзіна». «Вольная студыя» з Андрэем Хадановічам
Мадлен Олбрайт: «Кожная асоба павінна мець магчымасьць ісьці так далёка, як дазваляе талент»
Швэдзкі перакладчык Стафан Скот пра Васіля Быкава
Ігар Кулей: «З прозьвішчам Кулей лягчэй, чым з прозьвішчам Мілінкевіч»
Зянон Пазьняк: я буду ўдзельнічаць у прэзыдэнцкіх выбарах 2006 году