«Домысламі» ў камэнтары для Радыё Свабода назваў афіцыйны прадстаўнік Міністэрства абароны Ўладзімер Макараў інфармацыю пра тое, што Расея можа выкарыстаць вучэньні «Захад-2017» для таго, каб пакінуць вайсковы кантынгент у Беларусі на пастаянна.
Такую магчымасьць у інтэрвію агенцтву Reuters напярэдадні агучыў міністар абароны Эстоніі Маргус Цахкна. Ён удакладніў, што краіны NATO валодаюць зьвесткамі выведкі, якія пацьвярджаюць разьвіцьцё падзеяў менавіта паводле такога сцэнару.
«Рознага кшталту домыслы вайсковае ведамства не камэнтуе», — быў ляканічным палкоўнік Макараў.
