Лінкі ўнівэрсальнага доступу

Трамп распачне рашучыя захады супраць Расеі, — амбасадарка ЗША ў ААН


Прэзыдэнт ЗША Дональд Трамп

Амбасадарка ЗША ў ААН Нікі Гэйлі заявіла, што амэрыканскі прэзыдэнт Дональд Трамп цалкам падтрымлівае актыўныя дзеяньні супраць Расеі пасьля завяршэньня расьсьледаваньня, якое тычыцца ўмяшаньня Крамля ў прэзыдэнцкія выбары ў ЗША.

«Мы ня хочам, каб якаясьці краіна ўмешвалася ў нашы выбары калі-небудзь», — заявіла Нікі Гэйлі 2 красавіка ў эфіры тэлеканалу ABC, дадаўшы, што няма ніякіх сумневаў, што Расея ўмешвалася ў кампанію 2016 году.

Спэцслужбы ЗША раней прыйшлі да высновы, што Расея ўдзельнічала ў прэзыдэнцкай кампаніі ў спробе дапамагчы Трампу перамагчы. Сам Дональд Трамп прызнаў, што расейскія спэцслужбы на самой справе ўзламалі сэрвэры Дэмакратычнай партыі, але ўдзел Расеі, на ягоную думку, не паўплываў на зыход галасаваньня 2016 году.

Прэзыдэнт Расеі Ўладзімір Пуцін адмаўляе ўмяшаньне Масквы ў прэзыдэнцкія выбары ў ЗША.

Ваша меркаваньне

Паказаць камэнтары

XS
SM
MD
LG