Лінкі ўнівэрсальнага доступу

Някляеў і Парашэнка каля гадзіны размаўлялі пра палітыку і літаратуру


Уладзімер Някляеў сустрэўся ў Кіеве з прэзыдэнтам Украіны Пятром Парашэнкам. Паводле палітыка і паэта, ён быў запрошаны ва Ўкраіну на цырымонію ўшанаваньня памяці Герояў Нябеснай Сотні.

З Парашэнкам Уладзімер Някляеў сустрэўся двойчы. Першы раз у Міхайлаўскім саборы, а затым у Адміністрацыі прэзыдэнта. Другая сустрэча сам-насам працягвалася каля гадзіны.

«Шмат гаварылі пра палітычную і эканамічную сытуацыю, якая склалася вакол Беларусі. Пра пагрозы бясьпецы. Украінскі бок вельмі зацікаўлены ў пазытыўным разьвіцьці нашай сытуацыі, у дэмакратызацыі жыцьця. Прэзыдэнт сказаў, калі Беларусь будзе дэмакратычныя, эўрапейская, тады яна стане мацнейшаю. Калі ж яна аўтарытарная, прарасейская, то ўсё вельмі небясьпечна. Доўга гаварылі і пра літаратуру. Спадар Парашэнка шмат чытае, добра арыентуецца ў кнігах, разумее іх вагу, і яму было цікава дазнацца, як выглядае літаратурнае жыцьцё ў нас» - сказаў Някляеў.

Паводле яго, Пятро Парашэнка паабяцаў, што асабіста пасадзейнічае, каб Міхасю Жызьнеўскаму надалі званьне Героя Ўкраіны, пасьля таго, як ён пасьмяротна будзе прызнанае ўкраінска грамадзянства.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG