Падзеі 31 сьнежня ў беларускай і ўсясьветнай гісторыі, а таксама афіша на сёньня.
Дата дня
31 сьнежня 1985 году нарадзілася Аляксандра Герасіменя, беларуская плыўчыха, прызэрка Алімпійскіх гульняў, чэмпіёнка Эўропы і сьвету.
Таксама ў гэты дзень
1918 — бальшавіцкае кіраўніцтва Беларусі, якое базавалася ў Смаленску, абвясьціла аб стварэньні ССР Беларусі. Праз тыдзень сталіца ССРБ была перанесеная з Смаленску ў Менск, а Смаленшчына разам зь Віцебшчынай, Магілёўшчынай і Гомельшчынай былі адлучаныя ад савецкай Беларусі і далучаныя да РСФСР.
1990 — пачала дзейнічаць другая лінія Менскага мэтрапалітэну.
1992 — Чэхаславаччына падзялілася на Чэскую Рэспубліку і Славаччыну.
1999 — Барыс Ельцын добраахвотна спыніў выкананьне паўнамоцтваў прэзыдэнта Расеі і перадаў іх тагачаснаму прэм’ер-міністру РФ Уладзіміру Пуціну.
У гэты дзень нарадзіліся
1869 — Анры Матыс, францускі мастак.
1908 — Сымон Візэнталь, аўстрыйскі габрэй, які перажыў Галякост, усясьветна вядомы «паляўнічы за нацыстамі» (памёр у 2005 г.).
У памяці
1916 — памёр польска-беларускі мастак Казімер Альхімовіч.
1993 — ня стала Зьвіяда Гамсахурдыя, прэзыдэнта Грузіі.
Куды варта пайсьці ды за чым сачыць 31 сьнежня
Лідэр «Маладога Фронту» Зьміцер Дашкевіч заклікаў менчукоў сустрэць Новы год зь бел-чырвона-белымі сьцягамі на Кастрычніцкай плошчы ў Менску. Актывісты плянуюць пачаць гуляньне а 23.45 і абяцаюць забясьпечыць кожнага ахвочага бел-чырвона-белым сьцягам за сымбалічнае ахвяраваньне.
Навагодняя ноч танцаў
Клюб традыцыйнага танца «Сіта» запрашае сустрэць Новы год у танцы. Арганізатары вітаюць усе вакальныя выступы, а таксама харчовыя ініцыятывы. Імпрэза не прадугледжвае фармату застольля.
Менск, арт-прастора «Мёд» (вул. Талбухіна, 4, 3-ці паверх).
Пачатак а 21-й гадзіне.
Кошт удзелу: 12 рублёў. Уваход для музыкаў бясплатны.
Новы год у ірляндзкім пабе
Адноўлены арт-паб «Торвальд» запрашае віцяблян сустрэць Новы год у кампаніі музыкаў «De Puta Madre» з конкурсамі і рок-дыскатэкай. Арганізатары вітаюць гасьцей у сьвяточных строях.
Як сталічны выкладчык перакваліфікаваўся ў правінцыйныя бармэны
Віцебск, арт-паб «Торвальд» (вул. Талстога, 1).
Пачатак а 22-й гадзіне.
Квіткі каштуюць 15-25 рублёў.
