Лінкі ўнівэрсальнага доступу

Жыхару Казахстану далі 5,5 гадоў турмы за заклікі далучыць Казахстан да Расеі


Суд у Петрапаўлаўску ў Казахстане прысудзіў жыхара Паўночна-Казахстанскай вобласьці да пяці з паловай гадоў турмы «за распальваньне міжнацыянальнай варожасьці ў сацыяльных сетках і заклікі далучыцца да Расеі».

Паводле матэрыялаў сьледзтва, у пэрыяд ад 1 верасьня 2014 да 20 траўня 2015 пры зносінах з карыстальнікамі сацыяльнай сеткі «Укантакце» Ігар Чупрына апублікаваў у сваёй стужцы камэнтары, «якія выклікалі нэгатыўную рэакцыю ў карыстальнікаў і сацыяльную напружанасьць» і «сталі крыніцай ўзьнікненьня зьвестак, якія маюць прыкметы нацыянальнай нецярпімасьці».

Прысуд пакуль не ўступіў у законную сілу.

У дачыненьні да іншых карыстальнікаў сацсеткі, якія ўдзельнічалі ў дыялёгу, як паведамляе прэс-служба суду, вядзецца дасудовае расьсьледаваньне.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG