Лінкі ўнівэрсальнага доступу

Сьвятлана Алексіевіч стала ганаровым доктарам у Японіі


Цырымонія ўручэньнэ ганаровага дыплёму

Цырымонія ўручэньнэ ганаровага дыплёму

Сьвятлана Алексіевіч 28 лістапада атрымала ганаровую доктарскую ступень ад Такійскага ўнівэрсытэту замежных моваў.

У сваёй лекцыі ва ўнівэрсытэце беларуская нобэлеўская ляўрэатка закранула, сярод іншага, тэму тэхналягічных пагрозаў у сучасным сьвеце.

Алексіевіч, якая 26-27 лістапада наведала перасяленцаў у прэфэктуры Фукусіма, пацярпелых ад радыяцыйнай аварыі на мясцовай АЭС у 2011 годзе, сказала, што адчула там нешта падобнае да таго, што адчувала пасьля аварыі Чарнобыльскай АЭС — менавіта, што «краіна ня ў змозе ўзяць поўную адказнасьць за жыцьцё людзей».

З другога боку яна ўбачыла, што ў японскім грамадзтве няма «культуры супраціву», цытуе пісьменьніцу прэс-агенцтва Кіёда.

Як мы паведамлялі раней, Сьвятлана Алексіевіч знаходзіцца з тыднёвай паездкай у Японіі, прымеркаванай да прэзэнтацыі японскага выданьня яе апошняй кнігі — «Час second hand». На мінулым тыдні пісьменьніца сустрэлася са студэнтамі і журналістамі ў Такійскім унівэрсытэце.

Паказаць камэнтары

XS
SM
MD
LG