Пра гэта ён заявіў у пятніцу на выступе ў Стамбуле, паведамляе Reuters.
Напярэдадні Эўрапарлямэнт прагаласаваў за прыпыненьне перамоваў з Турцыяй аб яе ўступленьні ў ЭЗ. Гэтае рашэньне, падтрыманае большасьцю дэпутатаў, было прынята ў адказ на «непрапарцыянальна жорсткія рэпрэсіі Анкары» пасьля спробы дзяржаўнага перавароту ў ліпені.
Раней Эрдаган заявіў, што Турцыя не павінна празьмерна засяроджвацца на жаданьні далучыцца да Эўразьвязу і можа разгледзець іншыя магчымасьці, напрыклад, у рамках Шанхайскай арганізацыі супрацоўніцтва.
У сярэдзіне сакавіка Турцыя і Эўразьвяз падпісалі пагадненьне аб стрымліваньні патоку мігрантаў праз Эгейскае мора. Спэцыялісты ААН лічаць, што зь перакрыцьцем гэтага кірунку колькасьць уцекачоў, якія загінулі пры спробе трапіць у Эўропу, значна вырасла.