Лінкі ўнівэрсальнага доступу

Уладзімера Кондруся судзяць за Плошчу-2010. Bідэа
пачакайце

No media source currently available

0:00 0:01:15 0:00

Уладзімера Кондруся судзяць за Плошчу-2010. Bідэа

Палітвязень Кондрусь рэзаў вены ў судовай залі, яму прызначылі псыхіятрычную экспэртызу. Анлайн

У судзе Маскоўскага раёну Менску пачаўся крымінальны працэс над жыхаром Рудзенска Ўладзімерам Кондрусем, якога абвінавачваюць ва «ўдзеле ў масавых беспарадках» падчас акцыі пратэсту супраць фальсыфікацыі прэзыдэнцкіх выбараў 19 сьнежня 2010 году. Кондруся судзіць Сьвятлана Бандарэнка.

На фатаздымках той ночы можна знайсьці некага падобнага да Кондруся, хто б’е шыбы на ўваходзе ў Дом ураду. Кондрусь быў затрыманы толькі ў чэрвені 2016 году, да таго ён удзельнічаў у шэрагу мірных пратэстаў, у тым ліку ў акцыях прадпрымальнікаў увесну 2016-га, дзе, як мяркуюць ягоныя сваякі, спэцслужбы зьвярнулі на яго ўвагу.

Актывісту пагражае ад 3 да 8 гадоў зьняволеньня. Праваабаронцы Беларусі прызналі Ўладзімера Кондруся палітвязьнем і патрабуюць ягонага вызваленьня ды спыненьня крымінальнага перасьледу. Дакладна невядома, ці прызнае сябе Ўладзімер Кондрусь вінаватым.

18:37 16.11.2016
Першы дзень суду над Кондрусем: пратэст і спроба самагубства
пачакайце

No media source currently available

0:00 0:02:44 0:00

16:05 16.11.2016

Фотарэпартаж з суду

13:26 16.11.2016

Адвакат Мушынскі: «Суд адновіцца максымум у другой палове сьнежня, бо экспэртыза комплексная, шмат часу патрабуе».

Паводле Мушынскага, канвойны сказаў яму, што з Кондрусем усё добра, ён сабе нічога не пашкодзіў. «Крыві не было. Былі драпіны, нечым ён спрабаваў падраць руку, але да крыві не дайшло».

13:19 16.11.2016

Суд прызначыў псыхіятрычную экспэртызу Кондруся

Судзьдзя Сьвятлана Бандарэнка
Судзьдзя Сьвятлана Бандарэнка

Суд аднавіўся на хвіліну. Судзьдзя сказала, што Кондрусь выдалены ў сувязі зь ягонымі паводзінамі. У адказ на гэта раздаліся пратэсты. Статкевіч і Севярынец уголас заявілі, што гэта судзілішча:

«Як вы можаце судзіць чалавека безь яго самога?». Пасьля гэтага суд пайшоў вырашаць, ці трэба прызначыць стацыянарную судова-псыхіятрычную экспэртызу Кондрусю. Пракурор ня супраць.

Суд вырашыў прызначыць падсуднаму стацыянарную псыхоляга-псыхіятрычную экспэртызу. Ягоныя паводзіны ў судзе суд назваў няўдалай спробай суіцыду.

Экспэртызу даручана правесьці камітэту па экспэртызах.

Суд на час экспэртызы адкладзены.

13:11 16.11.2016

Сястра Кондруся бачыла ягоную кроў

Сястра Кондруся Ірына пацьвердзіла Свабодзе, што брат «нечым рэзаў вены на руцэ, і потым была кроў»:

«Бачыла паднятую руку, як нечым па ёй вадзіў, потым бачыла сьляды крыві, якую хутка падцёрлі. Яшчэ рука была вельмі бледная ў яго. Але тады гэтак яму і не надалі дапамогу мэдыкі, хаця я прасіла. Потыя яго забралі».

12:35 16.11.2016

Кондрусь не пасьпеў сябе сур’ёзна пашкодзіць

Былыя палітвязьні кажуць, што звычайна зьняволеныя могуць пранесьці лязо ці нешта іншае рэжучае ў роце. Але ніхто тут дакладна ня бачыў, чым ён рэзаў. Крыві таксама ніхто ня бачыў. Адвакат Мушынскі сказаў, што Кондрусь не пасьпеў сябе сур’ёзна пашкодзіць.

12:33 16.11.2016

12:31 16.11.2016

Пакуль дакладна невядома, было ў Кондруся лязо ці што іншае. Кажуць, магла быць і аўтаручка — стрыжань, напрыклад. У клетцы заставаліся ляжаць два кавалкі белай тканіны — бінты ці вата — блізка падысьці немагчыма, таму ня бачна. Нават гэтыя кавалкі, якія ляжалі яшчэ хвіліну таму, ужо прыбралі.

Загрузіць яшчэ

XS
SM
MD
LG