Абноўлена: Сяргей Шайгу прыляцеў у Менск на калегію міністэрстваў абароны Беларусі і Расеі
Самалёт Ту-154 RA-85686 Міністэрства абароны Расеі прызямліўся 2 лістапада ў 11:05 у Мачулішчах, што пад Менскам. Палёты названага самалёта звычайна супадаюць зь візытамі міністра абароны Расеі Сяргея Шайгу.
Але пра нейкія афіцыйныя візыты ў Менск расейскіх чыноўнікаў 2 лістапада не паведамлялася. Прэс-служба МЗС Беларусі паведаміла Свабодзе, што ня ведае пра гэты палёт. Узяць апэратыўны камэнтар у Міністэрстве абароны Беларусі не атрымалася — прэс-служба не адказвае на тэлефанаваньні.
