Суразмоўцы выданьня лічаць, што расейскі лідэр Уладзімір Пуцін мае намер выкарыстаць часовае паслабленьне замежнапалітычнай актыўнасьці Вашынгтону, зьвязанае з прэзыдэнцкімі выбарамі ў ЗША, каб «атрымаць вырашальную перамогу» ў Алепа, усходнюю частку якога ўтрымліваюць паўстанцы.
Авіяносец «Адмірал Кузьняцоў», які ў складзе іншых расейскіх вайсковых караблёў і падводных лодак накіроўваецца да берагоў Сырыі, будзе выкарыстаны менавіта для ўзмацненьня агнявой моцы падчас наступу на Алепа, сьцьвярджае The Times.
Краіны Захаду падазраюць Расею ў ваенных злачынствах пры бамбаваньні Алепа. Напярэдадні праваабаронцы паведамілі пра гібель каля 40 мірных жыхароў гэтага сырыйскага гораду падчас баёў паміж паўстанцамі і ўрадавымі войскамі.
