Лінкі ўнівэрсальнага доступу

Перапіс насельніцтва пройдзе ў 2019 годзе. Перапісчыкам не заплацяць


Аляксандар Лукашэнка падпісаў 24 кастрычніка ўказ аб правядзеньні 4–30 кастрычніка 2019 году чарговага перапісу насельніцтва. Тэкст указу пакуль не апублікаваны.

Перапіс будзе праведзены праз апытаньне «часовым перапісным пэрсаналам». Гэтаму пэрсаналу, у адрозьненьне ад мінулых перапісаў, ня будуць плаціць, але будуць даваць вызваленьне ад працы ці вучобы на пэрыяд падрыхтоўкі і ўдзелу ў перапісе ды кампэнсаваць заробкі, стыпэндыі ці пэнсіі за гэты пэрыяд. «Часовы пэрсанал» застрахуюць ад няшчасных здарэньняў.

Папярэдні перапіс насельніцтва прайшоў у Беларусі ў 2009 годзе. Зь яго вынікамі можна азнаёміцца тут. Да працы на перапісе-2009 прымусова прыцягвалі студэнтаў ВНУ, «часоваму пэрсаналу» абяцалі заплаціць каля 50 даляраў. У час таго перапісу хадзілі чуткі, што ён стане апошнім, калі «ходзяць па дамах»: неабходныя зьвесткі можна атрымаць і праз інтэрнэт або тэлефон, і з электронных базаў зьвестак.

Сярод пытаньняў мінулага перапісу былі пытаньні пра родную мову, мову, на якой чалавек размаўляе дома, і мовы, якімі чалавек вольна валодае. Таксама пыталі пра нацыянальнасьць (паводле самавызначэньня). У 2009 годзе беларусамі сябе назвалі 83,7% рэспандэнтаў (яшчэ 8,3% — расейцамі, 3,1% — палякамі, 1,7% — украінцамі, 0,1% — габрэямі), а 56% грамадзян Беларусі назвалі роднай мовай беларускую (24% заявілі, што звычайна размаўляюць па-беларуску дома).

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG