Інцыдэнт адбыўся ля вайсковага КПП «Дзюрак» за 20 кілямэтраў ад гораду Шэмдзінлі, дзе большасьць насельніцтва — курды. Гэта гарыстая мясцовасьць паблізу мяжы з Іранам і Іракам.
Дзесяць загінулых былі вайскоўцамі, таксама пацярпелі 27 чалавек. Паводле Йылдырыма, пры выбуху выкарыстоўвалі 4-5 тонаў выбухоўкі, утварылася вырва глыбінёю да сямі мэтраў і дыямэтрам да 15 мэтраў.
Улады ўсклалі адказнасьць за тое, што адбылося, на Рабочую партыю Курдыстану. Гэтая арганізацыя ў Турцыі прызнаная тэрарыстычнай.
