Лінкі ўнівэрсальнага доступу

logo-print

ФБР перадасьць СМІ частку запісаў допыту Гілары Клінтан аб электроннай пошце


Перадвыбарчы штаб Клінтан вітаў гэтае рашэньне.

ФБР плянуе перадаць зацікаўленым СМІ частку расшыфровак допыту Гілары Клінтан з нагоды скандалу вакол яе электроннай пошты, паведаміў у аўторак тэлеканал CNN.

ФБР, аднак, пакуль не плянуе публікаваць запісы допытаў памочнікаў Клінтан і матэрыялы сьледзтва.

Ужо ў сераду матэрыялы могуць быць перададзеныя СМІ, якія падалі афіцыйныя запыты ў адпаведнасьці з законам аб свабодзе інфармацыі.

Дырэктар ФБР Джэймс Комі заявіў у Кангрэсе, што допыт Клінтан не запісваўся, таму ведамства зможа падаць толькі яго кароткі пераказ.

Па дадзеных CNN, апроч здымкаў, ФБР прадставіць СМІ даклад аб’ёмам каля 30 старонак, які ведамства накіравала ў Міністэрства юстыцыі ў мінулым месяцы з рэкамэндацыяй не вылучаць крымінальных абвінавачваньняў супраць Клінтан, якая балятуецца ў прэзыдэнты ЗША ад Дэмакратычнай партыі.

Перадвыбарчы штаб Клінтан, які раней выказваў засьцярогі з нагоды апублікаваньня запісаў допыту, вітаў рашэньне аб іх перадачы СМІ.

Гілары Клінтан закідаецца, што яна ўжывала асабісты паштовы сэрвэр для службовай перапіскі на пасадзе кіраўніка зьнешнепалітычнага ведамства.

XS
SM
MD
LG