Афіша:
«Малады фронт» ладзіць «Купальскія чытаньні» каля помніка Янку Купалу ў Менску. Пачатак а 18.00.
Cустрэча з дэпутатамі Вярхоўнага Савету 12 скліканьня, якія ў жніўні 1991 году давялі да абвяшчэньня дзяржаўнай незалежнасьці Беларусі. Менск, пр. газэты Праўда (ст. м. Пятроўшчына), д. 11, бізнэс-цэнтар IBB, канфэрэнц-заля. Пачатак а 19.00. Арганізатар: КХП-БНФ.
У Менску ў клюбе «Графіці» (зав. Калініна, 16) з канцэртам выступіць гурт «Крама». Пачатак а 20:00.
У Барысаве пройдзе матч раўнду плэй-оф Лігі Эўропы паміж мясцовым БАТЭ і «Астаной» (Казахстан). Пачатак а 21:00.
У гісторыі:
1530 — нарадзіўся Іван IV (Іван Жахлівы), вялікі князь маскоўскі і цар «усяе Русі».
1804 — у Сьвіслачы адкрытая 6-клясавая гімназія, адным са знакамітых вучняў якой быў Кастусь Каліноўскі.
1840 — расейскі царскі ўрад скасаваў дзеяньне ў Беларусі Статуту Вялікага Княства Літоўскага 1588 году. Былі ўведзеныя законы Расейскай імпэрыі.
1915 — нямецкія войскі захапілі Брэст-Літоўск.
1919 — выйшаў першы нумар рэдагаванай Янкам Купалам газэты «Звон».
1932 — нарадзіўся Пятрусь Макаль, беларускі паэт, драматург.
1949 — нарадзілася Яўгенія Мальчэўская, беларуская паэтка.
1953 — нарадзіўся Ўладзімер Арлоў, беларускі пісьменьнік.
1968 — восем дысыдэнтаў правялі на Краснай плошчы ў Маскве дэманстрацыю супраць увядзеньня савецкіх войскаў у Чэхаславаччыну.
1991 — На пазачарговай сэсіі Вярхоўнага Савету Беларусі Дэклярацыі аб сувэрэнітэце Беларусі нададзеная сіла канстытуцыйнага закону. Прыпыненая дзейнасьць КПБ.
У памяці:
1680 — памёр Сімяон Полацкі, паэт і асьветнік, рэлігійны дзяяч, іераманах ордэну базыльянаў.
1900 — Фрыдрых Ніцшэ, нямецкі паэт і філёзаф.
1991 — памёр Вацлаў Пануцэвіч, беларускі гісторык, настаўнік, дзяяч беларускай эміграцыі.
Цытата:
Пакуль мы ўсё яшчэ
Сабе належым,
I самі
На зямлі бацькоў пануем,
Пакуль ня б’ем чалом
Суседзкім вежам,
Бо вежу Белую сваю шануем,
Пакуль ня душым горла
Думкам сьвежым
I хмарачосы подласьці руйнуем,
I старцамі па сьвеце не начлежым,
I вольных незайздросліва раўнуем, —
Мы незалежныя!
Рыгор Барадулін
