Лінкі ўнівэрсальнага доступу

Пачынаюцца маштабныя вайсковыя вучэньні РФ каля мяжы Ўкраіны


Аляксандар Турчынаў

Аляксандар Турчынаў

У бліжэйшы час пачнуцца чарговыя маштабныя вайсковыя вучэньні Расейскай Фэдэрацыі ля мяжы Ўкраіны. Як перадае Цензор.НЕТ, пра гэта Сакратар Рады нацыянальнай бясьпекі і абароны Ўкраіны Аляксандар Турчынаў паведаміў 22 жніўня падчас сустрэчы зь міністрам абароны Эстонскай Рэспублікі Ханэсам Ханса.

Суразмоўцы абмеркавалі сытуацыю ва Ўкраіне і пытаньні двухбаковага вайскова-тэхнічнага супрацоўніцтва.

Паводле словаў Турчынава, ніводнага дня з пачатку дзеяньня Менскіх пагадненьняў не прайшло без правакацыяў і абстрэлаў з боку расейска-тэрарыстычных груповак.

«У прыватнасьці, сыстэматычна вядуцца абстрэлы нашых пазыцыяў з выкарыстаньнем забароненых Менскімі пагадненьнямі артылерыйскіх сыстэмаў вялікага калібру», — падкрэсьліў ён.

Суразмоўцы былі аднадушныя ў меркаваньні, што да поўнага вызваленьня тэрыторыі Ўкраіны недапушчальна адмяняць санкцыі супраць Расеі. Паводле іх перакананьня, важна таксама актывізаваць вайскова-тэхнічнае супрацоўніцтва паміж Украінай і краінамі Эўропы.

Ва Ўзброеных сілах Расеі ідзе актыўная падрыхтоўка да правядзеньня стратэгічных камандна-штабных вучэньняў «Каўказ-2016», якія пройдуць з 5 па 10 верасьня.

Паводле зьвестак украінскай выведкі, у цяперашні час баявы склад групоўкі ўзброеных сіл Расейскай Фэдэрацыі, разгорнутай ўздоўж дзяржаўнай мяжы Ўкраіны, на часова акупаваных тэрыторыях Данецкай і Луганскай абласьцей, а таксама ў Крыме ў цэлым налічвае больш за 40 тысяч вайскоўцаў, апрача іх у вучэннях «Каўказ-2016» будзе задзейнічана да 12600 вайскоўцаў, 90 танкаў, 310 браняваных машын, 15 караблёў.

Ва Ўкраіне асьцерагаюцца, што ўся гэтая групоўка будзе выкарыстаная для пашырэння маштабаў ўварваньня ва Ўкраіну.

Паказаць камэнтары

XS
SM
MD
LG