Трое з чатырох забітых у сераду ў Пецярбургу ў выніку спэцапэрацыі былі «лідэрамі ўзброенага падпольля» Кабардзіна-Балкарыі, сьцьвярджаюць у расейскіх праваахоўных органах. Асоба яшчэ аднаго забітага пакуль не ўстаноўленая.
У Нацыянальным антытэрарыстычным камітэце Расеі сьцьвярджаюць, што гэтыя людзі знаходзіліся ў фэдэральным вышуку і былі забітыя ў часе штурму спэцназам кватэры, у якой яны забарыкадаваліся.
Апэрацыя праходзіла ў шматкватэрным жылым доме на поўдні Пецярбургу ў сераду. Паведамляецца, што сярод цывільных асоб і супрацоўнікаў праваахоўных органаў пацярпелых няма.
Раней СМІ пісалі пра тое, што спэцаперацыя ў Пецярбургу праводзіцца на запыт спэцслужбаў Кабардзіна-Балкарыі. Афіцыйна гэтыя паведамленьні не пацьверджаныя.
Яшчэ на гэтую тэму
Самае папулярнае
1