Лінкі ўнівэрсальнага доступу

Уладзімер Самсонаў выйшаў у паўфінал Алімпіяды


Уладзімер Самсонаў
Уладзімер Самсонаў

40-гадовы беларус перайграў наймацнейшага на сёньня гульца Эўропы — украінца Дзьмітрыя Аўчарава, які выступае за зборную Нямеччыны. За 20 год выступаў на Алімпійскіх гульнях Самсонаў упершыню выйшаў у паўфінал Алімпіяды.

Перамогу Самсонава над Аўчаравым ужо называюць сэнсацыяй. Для беларуса гэта шостая Алімпіяда, але ні на воднай ён не выходзіў далей за чвэрцьфінал. 9-я ракетка сьвету па настольным тэнісе, свае галоўныя дасягненьні ён пакінуў у 2000-х. Трохразовы пераможца Кубку сьвету, шасьціразовы чэмпіён Эўропы ў розных разрадах, апошнім часам яго імя сьвяцілася толькі ў клюбных турнірах.

Самсонаў выступае разам зь Дзьмітрыем Аўчаравым за расейскі клюб «Факел-Газпром». Але Аўчараў маладзейшы за Самсонава на 12 год і вышэйшы за беларуса ў сусьветным рэйтынгу.

На пачатку матча Самсонаў пашкодзіў міжрэбравыя мышцы, для чаго ўзяў мэдычны тайм-аўт. Пасьля прыняцьця лекаў ён працягнуў гульню.

Нягледзячы на траўму і пройгрыш у першай партыі, Самсонаў перамог Аўчарава зь лікам 4:2. Гэта лепшы для Самсонава вынік за 20 год выступаў на Алімпійскіх гульнях.

У паўфінале ён сустрэнецца з 4-й ракеткай сьвету Чжан Цзыке. На мінулай Алімпіядзе ў Лёндане кітаец выйграў два залатыя мэдалі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG