Лінкі ўнівэрсальнага доступу

Аляксея Навальнага сёньня могуць адправіць за краты


Аляксей Навальны

Аляксей Навальны

Люблінскі раённы суд Масквы разглядае сёньня пытаньне аб магчымасьці зьмены ўмоўнага пакараньня расейскага апазыцыянэра Аляксея Навальнага на рэальны тэрмін.

З адпаведным прадстаўленьнем у суд зьвярнулася расейская Фэдэральная служба выкананьня пакараньняў. Там лічаць, што Аляксей Навальны сыстэматычна парушае правілы адбыцьця ўмоўнага пакараньня, да якога яго прысудзілі па так званай справе «Іў Рашэ» у сьнежні 2014 году.

Аляксей Навальны лічыць, што патрабаваньне ФСВП замяніць яго ўмоўны тэрмін на рэальны зьвязанае з выбарамі і нядаўнімі расьсьледаваньнямі Фонду барацьбы з карупцыяй, які ўзначальвае Навальны.

Браты Аляксей і Алег Навальныя ў сьнежні 2014 году былі асуджаныя за крадзеж больш за 26 мільёнаў рублёў у кампаніі «Іў Рашэ» і звыш 4 мільёнаў рублёў у «Шматпрофільнай працэсінгавай кампаніі», а таксама за легалізацыю больш за 21 мільёнаў рублёў. Абодвух прысудзілі да 3 з паловай гадоў пазбаўленьня волі. Аляксея Навальнага асудзілі ўмоўна. Яго брат Алег адбывае пакараньне ў Арлоўскай вобласьці.

У 2015 годзе ФСВП таксама прасіла зьмяніць Аляксею Навальнаму ўмоўнае пакараньне на рэальнае ў сувязі з парушэньнем ім умоваў выпрабавальнага тэрміну, аднак суд гэтае патрабаваньне адхіліў.

Паказаць камэнтары

XS
SM
MD
LG