Лінкі ўнівэрсальнага доступу

У Турэччыне зачыняць тысячы ўстаноў з-за надзвычайнага становішча


Прэзыдэнт Турэччыны Рэджэп Эрдаган.
Прэзыдэнт Турэччыны Рэджэп Эрдаган.

Гэта першае распараджэньне турэцкага прэзыдэнта Эрдагана пасьля ўвядзеньня надзвычайнага становішча.

Прэзыдэнт Турэччыны Рэджэп Эрдаган запатрабаваў зачыніць больш за тысячу прыватных школ у рамках рэжыму надзвычайнага становішча, уведзенага 21 ліпеня.

Акрамя школ, дзейнасьць спыняць звыш тысячы фондаў, тры дзесяткі устаноў аховы здароўя і 15 вышэйшых навучальных устаноў. Усе зачыненыя ўстановы ўлады падазраюць у сувязях з апазыцыйным прапаведнікам Фэтхулахам Гюленам, абвінавачаным ў арганізацыі спробы вайсковага перавароту 16 ліпеня. Турэччына патрабуе экстрадыцыі Гюлена з ЗША, дзе той жыве.

Згодна з указам прэзыдэнта, дзяржаўныя службоўцы, якіх падазраюць у сувязях з прыхільнікамі перавароту, будуць назаўжды пазбаўленыя магчымасьці працаваць у дзяржаўных арганізацыях.

Гэта першы ўказ прэзыдэнта Эрдагана пасьля ўступленьня ў сілу надзвычайнага становішча. Па падазрэньні ў датычнасьці да спробы перавароту былі затрыманыя больш за дзесяць тысяч чалавек. Паведамляецца аб масавых звальненьнях дзяржаўных службоўцаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG