Лінкі ўнівэрсальнага доступу

«Шок — іншых словаў няма». Што гавораць пра гібель Шарамета ў сьвеце


«Ён быў дзёрзкім журналістам, але ня быў ворагам» — калегі ўзгадваюць Паўла Шарамета
пачакайце

No media source currently available

0:00 0:01:44 0:00

Пятро Парашэнка, прэзыдэнт Украіны:

«Жудасная трагедыя ў Кіеве. Шок — іншых словаў няма. Ведаў Паўла асабіста. Спачуваю ўсім родным і блізкім», – напісаў у сваім фэйсбуку презыдэнт Украіны Пятро Парашэнка.

Міхаіл Саакашвілі, губэрнатар Адэскай вобласьці:

«У Кіеве ўзарвалі майго сябра. (...) Яго забойства тэрарыстамі сёньня ўмацоўвае мяне ў адчуваньнях, што нам, усёй краіне, рыхтуюць нешта вельмі небясьпечнае, а палітычная кляса з заплюшчанымі вачыма вядзе нас да прорвы. Мы павінны іх спыніць нашымі вокрыкамі, шкада толькі, адным магутным голасам у сумленнай Украіны стала менш», — напісаў у фэйсбуку губэрнатар Адэскай вобласьці Міхаіл Саакашвілі.

Марыя Захарава, афіцыйны прадстаўнік МЗС РФ:

«У Кіеве падарваны аўтамабіль, у якім знаходзіўся Павал Шарамет.

Прафэсіянал, які не баяўся казаць уладзе, што пра яе думае. Рознай уладзе, у розныя часы. І за гэта яго паважалі.

Украіна (не краіна, а сыстэма) становіцца брацкай магілай журналістаў і журналістыкі», — напісала афіцыйны прадстаўнік МЗС РФ Марыя Захарава.

Дзьмітры Пяскоў, прэс-сакратар прэзыдэнта Расеі:

«Забойства расейскага грамадзяніна і журналіста ва Ўкраіне — гэта падстава для вельмі сур’ёзнай заклапочанасьці ў Крамлі, — заявіў прэс-сакратар прэзыдэнта Расеі Дзьмітры Пяскоў. — Мы спадзяемся на аб’ектыўнае і хуткае расьсьледаваньне з тым, каб прыцягнуць да адказнасьці тых, хто стаіць за гэтым забойствам».

Аляксей Навальны, апазыцыйны расейскі палітык:

«Шарамета саджалі ў турму ў Беларусі, перасьледавалі і звальнялі ў Расеі, за ім сачылі ва Ўкраіне. Павал быў разумным і адважным мужчынам, выдатным журналістам і наогул добрым чалавекам. Такім яго і запомнім», — напісаў у сваім блогу апазыцыйны расейскі палітык Аляксей Навальны.

Пэдра Аграмунт, старшыня Парлямэнцкай асамблеі Рады Эўропы:

Пэдра Аграмунт назваў забойства журналіста Паўла Шарамета атакай на свабоду СМІ і заклікаў улады Ўкраіны расьсьледаваць злачынства і пакараць вінаватых: «Забойства Паўла Шарамета: вартая шкадаваньня атака на свабоду слова і бясьпеку журналістаў. Неабходна поўнае расьсьледаваньне, каб прыцягнуць да адказнасьці вінаватых».

Дунья Міятавіч, прадстаўнік Арганізацыі па бясьпецы і супрацоўніцтве ў Эўропе (АБСЭ) па свабодзе прэсы:

«Мы страцілі выдатнага і мэтанакіраванага журналіста, і я накіроўваю шчырыя спачуваньні сям’і Шарамета, яго сябрам і калегам», — заявіла прадстаўнік арганізацыі па свабодзе прэсы Дунья Міятавіч, падкрэсьліўшы, што «сытуацыя зь бясьпекай журналістаў ва Ўкраіне павінна вырашацца эфэктыўна і своечасова».

44 года жизни Павла Шеремета
пачакайце

No media source currently available

0:00 0:01:21 0:00

Гурт «Брута» (праект Сяргея Міхалка) у Твітэры:

Сябравалі шмат гадоў. Самы жыцьцялюбны і сьмелы чалавек.

Сьвятаслаў Вакарчук, лідэр украінскага рок-гурту «Акіян Эльзы», у Твітэры:

[...] Вольных духам забіваюць, а большасьць заганяюць у стойла невуцтва, беднасьці і страху... нельга даць ім дасягнуць посьпеху... кожны з нас, кожны, сваімі дзеяньнямі ці сваім бязьдзеяньнем уплывае на вынік. [...] Кім нам быць? Грамадзтвам свабодных людзей або клеткай з рабамі? Гэта залежыць ад нас і толькі ад нас... не забывайце пра гэта! Дзеля памяці пра Паўла, дзеля памяці пра тысячы журналістаў, якія загінулі, і салдат, студэнтаў і валянтэраў, дзеля тых, хто не баяўся ісьці наперад [...]

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG