Вуліца Валерыі Навадворскай — першая такая ў сьвеце, якая носіць імя расейскай дысыдэнткі, праваабаронцы, журналісткі і публіцысткі, якая памерла два гады таму.
З ініцыятывай перайменаваць адну з вуліц у адміністрацыйным цэнтры Валынскай вобласьці ў гонар Навадворскай выступіла член рабочай групы па дэкамунізацыі Луцкага гарсавету, прадстаўніца Ўкраінскага інстытуту нацыянальнай памяці Леся Бандарук.
У інтэрвію нашаму Радыё яна, у прыватнасьці, сказала:
«Навадворская лічыла, што на Захадзе Ўкраіны яе жыхары заўсёды пасьлядоўна адстойвалі традыцыі дзяржаўнасьці, незалежнасьці. Валерыя Ільінічна вельмі высока ацэньвала ўклад у барацьбу за незалежнасьць Украінскай паўстанцкай арміі».
