Лінкі ўнівэрсальнага доступу

Пыласос і кубкі, канфіскаваныя ў Статкевіча на мяжы, ацанілі


Мікалай Статкевіч, архіўнае фота

Мікалай Статкевіч, архіўнае фота

Мікалай Статкевіч распавёў карэспандэнту Свабоды, што зь ягонай пэнсіі штомесяц вылічваюць палову на штрафы за мірныя акцыі.

Ён дадаў, што судовыя выканаўцы даслалі ліст, у якім паведамляецца, што канфіскаваныя на мяжы аўтамабільны пыласос ацэнены ў 200 тысяч рублёў, а два кубкі «Белсату» — у 30 тысяч кожны.

«Яны правялі маркетынгавае дасьледаваньне рынку і пытаюцца, ці згодны я з такой ацэнкай. Даволі абʼёмны дакумэнт, паперы кубкамі і пыласосам яны сапсавалі вельмі шмат. Але я не адказваю на гэтыя лісты. Больш ніякіх папераў няма. Таксама няма ніякіх позваў у суд. Я драматызму гэтаму не надаю», — сказаў карэспандэнту Свабоды Статкевіч.

Палітык разам з жонкай Марынай Адамовіч вяртаўся на аўтамабілі з Польшчы ў Беларусь. У ноч на 12 красавіка іх затрымалі памежнікі ў Бераставіцах, напісаў у фэйсбуку сын Марыны Адамовіч Юрась. На мяжу выклікалі судовых выканаўцаў, каб правесьці вопіс агульнай маёмасьці. У выніку забралі аўтамабільны пыласос (Юрасёў падарунак маці) і два кубкі з сымболікай «Белсату».

Паказаць камэнтары

XS
SM
MD
LG